ႁူင်းႁဵၼ်းထမ်ႇမၸိုင်ႈတႆး ႁဵတ်းႁိုဝ်ပဵၼ်မႃး

တင်ႈဢဝ်ဝၼ်းထိ 15/01/2014 တေႃႇထိုင် 27/01/2014 ၼၼ်ႉ ႁဝ်းၶႃႈၸဝ်ႈပီႈၼွင်ႉ ဢၼ်ၵွၼ်းဝတ်ႉတီႈ ၼႂ်းမိူင်းလႄႈ ႁဵၼ်းလိၵ်ႈတီႈၼွၵ်ႈမိူင်း ဢွၼ်ၵၼ်ၽွမ်ႉလႆႈၸႂ် လူင်းလဵပ်းႁဵၼ်း ‘ ႁူင်းႁဵၼ်းထမ်ႇ တီႈၼႂ်းမိူင်းတႆးႁဝ်း ၵူႈ တီႈ ꧦၼႆယူႇ။ ပဝ်ႉမၢႆလူင် ၶၢဝ်းတၢင်းႁဝ်းတႄႉ ယိူင်းဢၢၼ်း ‘ ႁႂ်ႈႁူင်းႁဵၼ်းထမ်ႇ မၸွတ်ႇတူဝ်ႈ မိူင်းတႆးႁဝ်းလႄႈ ႁႂ်ႈႁဝ်းမီးပပ်ႉပူင်သွၼ်ႁူမ်ႈၵၼ် တင်းမိူင်းပတ်ႉပိုၼ်ႉ’ ၼႆယဝ်ႉ။ ပိူင်လူင်မၼ်းတႄႉ ႁႂ်ႈႁဝ်းလႆႈယူႇတႂ်ႈ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈ တႆးသေ ႁဵတ်းၵၢၼ်ၸိူဝ်ႉၶိူဝ်း ၽႃႇသႃႇ လႄႈ သႃႇသၼႃႇ ႁဝ်းႁူမ်ႈၵၼ် ၵႂႃႇၵႂၢင်ႈ ꧦၶႂၢင် ꧦ ၼၼ်ႉယဝ်ႉ ။ တီႈဢၼ်ႁဝ်းတႄႇဢုပ်ႇၵၼ်သေ လူင်းလဵပ်ႈႁဵၼ်းၼၼ်ႉၸမ်ႉ- တူၼ်ႈတီး ၊ လၢႆးၶႃႈ၊ မိူင်းၵိုင်၊ မိူင်းယႆ၊ တၢင်ႉယၢၼ်း၊ ၵျွၵ်ႉမႄး၊ သီႇပေႃႉ၊ ၼမ်ႉလၼ်ႈ၊ လႃႈသဵဝ်ႈ၊ ဝၢၼ်ႈၸၢမ်၊ ၼမ်ႉတူႈ၊ သႅၼ်ဝီ၊ မူႇၸေႇ၊ ၼမ်ႉၶမ်း၊ ၵဵင်းတွင်းလႄႈ ပၢင်လွင်း (15)မိူင်း/ဝဵင်း။ ၼႂ်းၼၼ်ႉ တီႈဢၼ်မီးႁူင်းႁဵၼ်းထမ်ႇမၸမ်ႉ- တၢင်ႉယၢၼ်း၊ ၵျွၵ်ႉ မႄး၊ သီႇပေႃႉ၊ သႅၼ်ဝီလႄႈ မူႇၸေႈ (5)ၸေႈဝဵင်းၼႆႉသေ တီႈၵျွၵ်းမႄးၼႆႉ လႆႈႁၼ် ၶဝ်ပိုတ်ႇၼႂ်းဝဵင်းၽွင်ႈလႄႈ ဝၢၼ်ႈၼွၵ်ႈၼႃးပၢင်ႇပေႃးၸွတ်ႇၸေးၼႆယဝ်ႉ။ ၽူႈၶဝ်ႈႁူမ်ႈဢုပ်ႇပႃး ဢၼ်လူင်းလဵပ်ႈႁဵၼ်းလႄႈ ၶဝ်ႈႁူမ်ႈပၢင်လႅၵ်ႈလၢႆႈတၢင်းႁူႉ တင်းသဵင်ႈတေမီး (200)ၸဝ်ႈ/ၵေႃႉၸမ်ၸမ်၊ ၸိူဝ်းၼၼ်ႉ တေပႃးၸဝ်ႈၶူးၶဝ် ဢၼ် လုၵ်ႉသၢႆၵဵင်းတုင်၊ တႃႈၶီႈလဵၵ်းလၢႆလၢႆတူၼ်၊ ꩡဝ်ႈၶူး ဢၼ်ယူႇ ထုင်ႉတူင်ႇၸၢၼ်းၵေႃႈ ၶဝ်ႈပႃးဝႆႉလၢႆလၢႆၸဝ်ႈ၊ ၸဝ်ၶူးဢၼ်တူင်ႉၼိုင်ၼႃႈလိၼ်ႁဝ်း ၽၢႆႇတွၼ်ႈႁွင်ႇၼၼ်ႉ ၼိုင်ႈၶႅၼ်းၼမ်တႄႉၼမ်ဝႃႈ။ ႁဝ်းတင်းသဵင်ႈႁူမ်ႈၵၼ်သေ လူင်းလဵပ်ႈႁဵၼ်း ၶၢဝ်းတၢင်း ၸမ်ၽၢၵ်ႇလိူၼ်။ တီႈဢၼ်ႁဝ်းလူင်းလဵပ်ႈႁဵၼ်း ဢမ်ႇၶၢတ်ႇဝၼ်းမၼ်းၼၼ်ႉတႄႉ ပဵၼ်တၢင်ႉယၢၼ်း၊ ၵျွၵ်ႉမႄး၊ သီႇပေႃႉ၊ ၼမ်ႉလၼ်ႈ၊ လႃႈသဵဝ်ႈ ၊ဝၢၼ်ႈၸၢမ်၊ ၼမ်ႉတူႈ၊ သႅၼ်ဝီ၊ မူႇၸေႈလႄႈၼမ်ႉၶမ်း (10) ဝဵင်းၸိူဝ်းၼႆႉယဝ်ႉ ။ ႁဝ်းဢွၼ်ၵၢၼ်ပွင်ႇၸႂ်ဝႃႈ ‘လုၵ်ႈဢွၼ်ႁဝ်းမိူဝ်ႈၼႆႉ တေပဵၼ်ၵူၼ်းလူင် ဝၼ်း မိူဝ်းၼႃႈ’ ၼႆယူႇ၊ ၵွပ်ႈပိူဝ်ႈၼၼ်လႄႈ လွင်ႈၶိုၼ်ႈယႂ်ႇမႂ်ႇသုင် ၸိူဝ်ႉၶိူဝ်း၊ ၽႃႇသႃႇလႄႈ သႃႇသၼႃႇႁဝ်း ဝၼ်းမိူဝ်ႈၼႃႈၼႆႉ မၼ်းဢိင်ၼိူဝ် သၢႆငၢႆလုၵ်ႈဢွၼ်ႇႁဝ်း ပဵၼ်ၵူၼ်း ဢွၼ်ႁူဝ်ၼၢမ်းၼႃႈၼႆၸိုင် မိူဝ်းၼႃႈမႃး ၶဝ်တေဢွၼ်ႁူဝ် ၸိူဝ်ႉၶိူဝ်း၊ ၽႃႇသႃႇလႄႈ သႃႇသၼႃႇႁဝ်း ၶိုၼ်ႈယႂ်ႇမႂ်ႇသုင်ထႅင်ႈယဝ်ႉ။ တႃႇႁႂ်ႈၶဝ်ပဵၼ် လုၵ်ႈဢွၼ်ႇလၵ်းလႅမ် ဝၼ်းမိူဝ်ႈၼႆႉလႄႈ ပဵၼ်ၵူၼ်းလူင်ႁဝ်းဝၼ်းမိူဝ်းၼႃႈၼၼ်ႉ ယုမ်ႇယမ်ဝႃႈ မီးၵၢၼ်ႁဵၼ်း ဢၼ်ၽိုၵ်းလပ်ႉ ႁႂ်ႈမၢၵ်ႇဢွၵ်းဢေႃၶဝ် လႅတ်းၽၢႆၽႂ်းလီၼႆႉၵူၺ်း တေပဵၼ်ၵၢၼ်ႁၵ်ႉ သႃလႄႈ ယုၵ်ႉယွင်ႈၸိူဝ်းၶဝ် ၶိုၼ်ႈယႂ်ႇမႂ်ႇသုင်။ ပုတ်ႉထၸဝ်ႈဝႃႈ‘ ပၺ်ၺႃသမႃ ဢႃၽႃ ၼတ်ႉထိ - သၢႆလႅင်းဢၼ်မိူၼ်သၢႆ လႅင်းပၺ်ႇၺႃႇၼႆႉ ဢမ်ႇမီး’ၼႆ ႁဝ်းတင်းသဵင်ႈပွင်ႇၸႂ်ၵၼ်ယူႇ။ ၵူၺ်းၵႃႈ ႁဝ်းတေ ဢဝ်ပၺ်ႇၺႃႇပၢႆးလႂ်၊ လွၵ်းလၢႆးလႂ်သေ ပူင်သွၼ်ပၼ် လုၵ်ႈဢွၼ်ႇ သႅၼ်းႁုၼ်ႈမႂ်ႇႁဝ်း ႁႂ်ႈၶဝ်ပေႃးၶဝ်ႈၸႂ်ၶဝ်ႈၶေႃး တုင်းႁပ်ႉၸႂ်ႉလႆႈၵမ်းလဵဝ်ၼၼ်ႉ ပဵၼ်ၶေႃဝူၼ်ႉလူင် တွၼ်ႈ တႃႇႁဝ်းတင်းလၢႆယဝ်ႉ။ ႁဝ်းၵႂႃႇတူၺ်းႁူင်းႁဵ်ၼ်းလၢႆလၢႆတီႈ တီႈၵႃႈၼမ်ႉၵတ်ႉၶဝ်ၸိူဝ်း ၼၼ်ႉ တေႃႉတႄႉၵုမ်ႇထူၼ်ႈ တႃႇပၢႆးမၢၵ်ႈမီးတၢၼ်ႇယႃႇလႄႈ တႅမ်ႈလႆႈလူလႆႈတၢၼ်ႇ ယႃႇၼၼ်ႉၵူၺ်း၊ ႁႂ်ႈပေႃးၽိုၵ်းပႃးၼမ်ႉၸႂ်၊ မီးတၢင်းယၢမ်ႈလီသေ မီးတၢင်းသူပ်းတူဝ် ႁူဝ်ၸႂ်ယဵၼ်ႇငႄႈ မေႃႁူႉဝႄႈၵၢၼ်လီ၊ၵၢၼ်ႁၢႆႉၼၼ်ႉလႄႈသင် မေႃလၢတ်ႈတေႃႇ၊ မေႃ ၸွႆႈထႅမ် ပေႃႈမႄႈပီႈၼွင်ႉလီ ꧦၼၼ်ႉလႄႈသင်၊ ၼမ်ႉၸႂ်မေႃႁၵ်ႉၸိူဝ်ႉၶိူဝ်း၊ ၽႃႇသႃႇ၊ သႃႇသၼႃႇၸိူူဝ်းၼၼ်ႉလႄႈသင် တိုၵ်ႉယူပ်ႈယွမ်းဝႆႉတၢင်းၼမ်ယဝ်ႉ။ ၵွပ်ႈပိူဝ်ႈၼၼ်လႄႈ ၼင်ႇႁိူဝ်ပေႃးတေထႅမ်လႆႈ တၢင်းယူပ်ႈယွမ်းလူင် တွၼ်ႈ တႃႇသႅၼ်းႁူူၼ်ႈမႂ်ႇႁဝ််းၼၼ်ႉ ‘ႁူင်းႁဵၼ်းထမ်ႇမၼႆႉ ယုမ်ႇယမ်ဝႃႈတေၸွႆႈလႆႈၵမ်း လဵဝ်ယူႇ။ ၼႂ်းႁူင်းႁဵၼ်းထမ်ႇမၼႆႉ ၶဝ်တေလဵပ်ႈႁဵၼ်းႁူႉႁၼ် လွၼ်ႉလိုၵ်ႉထမ်ႇမလႄႈ ၽိင်ႈၶိုၵ်ႉၵဝ်ႇမွၼ်ႇဢၼ်ပူႇဢွၼ်မႃး ယႃႈဢွၼ်ႁဵတ်းဝႆႉၼၼ်ႉသေ မေႃပူၵ်းပွင် တူဝ်ၸႂ်ၶဝ် ၶိုၼ်ႈယႂ်ႇမႂ်ႇသုင်ၵႂႃႇတေႉတေႉ။ ႁူင်းႁဵၼ်းထမ်ႇမဝၼ်း တေလပ်ႉပၼ်မၢၵ်ႇ ဢွၵ်းဢေႃၶဝ်လႅတ််းၽၢႆၸွမ်း တီႈၼႂ်းၵၢၼ်ၽိုၵ််းၶဝ်ၼၼ််ႉသေ တေပူၵ်းပွင် ႁႂ်ႈ တၢင်းဝူၼ်ႉ၊ တၢင်းလၢတ်ႈလႄႈ တၢင်းႁဵတ်းသၢင်ႈၶ0် ထုၵ်ႇမႅၼ်ႈၸွမ်းလွၵ််းလၢႆး ပၢႆးၶိုၼ်ႈယႂ်ႇမႂ်ႇသုင်ယဝ်ႉ။ လုၵ်ႈဢွၼ်ႇၶိုၼ်ႈယႂ်ႇမႂ်ႇသုင်ႁဝ်းဝၼ်းမိူဝ်ႈၼႆႉ တေပဵၼ် ၵူၼ်းလူူင် ၵတ်ႉၶႅၼ်ႇႁဝ်းဝၼ်းမိူဝ်းၼႃႈဢမ်ႇၵၢတ်ႈယဝ်ႉ။

ႁူင်းႁဵၼ်းထမ်ႇမၼႆႉပဵၼ်သင်

ꩪႃရေတီတိ ꩪမ်မေႃ- ꩪႃရေတိ ၵွပ်ႈပိူဝ်ႈၸၢင်ႈတေႃႉသူင်ႇထိုင်တီႈလႄႈ၊ ꩪမ်မေႃ ၸင်ႇဝႃႈထမ်ႇမၼႆယဝ်ႉ။ ၵွပ်ႈပိူဝ်ႈၸၢင်ႈတေႃႉသူင်ႇပၼ် ႁႂ်ႈဢၼ်သတ်ႉတဝႃႇ တင်းလၢႆ ထိုင်တီႈလႆႈၵတ်းယဵၼ်သိူဝ်းသႃႇလႄႈ ၸင်ႇဝႃႈထမ်ႇမ ဢမ်ႇၼၼ် ထမ်း တြႃးၼႆယဝ်ႉ။ ထမ်ႇမဢၼ်ဝႃႈၼႆႉ မိူၼ်ၼင်ႇၶိူင်ႈတေႃႉတၢင်ႇသူင်ႇၼိုင်ႈဢၼ်ၼၼ်ႉ ယဝ်ႉ။ တႃႇတေႁွတ်ႈထိုင်တီႈဢၼ်ႁဝ်းၶႆႈၵႂႃႇၼၼ်ႉ ပေႃးဢမ်ႇမီးၶိူင်ႈတေႃႉသူင်ႇၸိုင် မၼ်းတေဢမ်ႇထိုင်တီႈ။ ၵွပ်ႈပိူဝ်ႈၼၼ်လႄႈ ပေႃးဢဝ်မၢၵ်ႇတႃလေႃးၵတူၺ်းၸိုင် တႃႇတေၵႂႃႇထိုင်သေတီႈတီႈၼၼ်ႉ တိုၼ်းလူဝ်ႇၶိူင်ႈ တေႃႉတၢင်ႇသူင်ႇမၼ်းယူႇယဝ်ႉ။ ပေႃးဢဝ်မၢၵ်ႇတႃထမ်ႇမတူၺ်းၵေႃႈ တေလႆႈႁၼ်ၼင်ႇၼၼ်ယူႇ။ ထမ်ႇမ ဢၼ်ဝႃႈၼႆႉ မၼ်းတေၸၢင်ႈသူင်ႇ ထိုင်ပၼ်တီႈလႂ်လၢႆလၢႆပေႃးၼႆၸိုင်-

• (1) လုၵ်ႉတီႈလပ်းသိင်ႇသေ ၸၢင်ႈသူင်ႇထိုင်ပၼ်တီႈလႅင်းလႆႈ။
• (2) လုၵ်ႉတီႈဢမ်ႇႁုသေ ၸၢင်ႈသူင်ႇထိုင်ပၼ်တီႈႁုလႆႈ။
• (3) လုၵ်ႉတီႈလိူင်းၸိူင်းသေ ၸၢင်ႈသူင်ႇထိုင်ပၼ်တီႈယဵၼ်ႈငႄႈလႆႈ။
• (4) လုၵ်ႉတီႈၸၼ်ႉတႅမ်ႇသေ ၸၢင်ႈသူင်ႇထိုင်ပၼ်တီႈၸၼ်ႉသုင်လႆႈ။
• (5) လုၵ်ႉတီႈတုၵ်ႉၶသေ ၸၢင်ႈသူင်ႇထိုင်ပၼ်တီႈသုၶလႆႈ။
• (6) လုၵ်ႉတီႈငိူဝ်ႈငႃႉဢိူၼ်ဢၢၼ်သေ ၸၢင်ႈသူင်ႇထိုင်ပၼ်တီႈလၵ်းလႅမ်လႆႈ ၼႆ လႆႈလဵပ်ႈႁဵၼ်းႁၼ် ဢၼ်ထမ်ႇမသူင်ႇထိုင်ပၼ်လႆႈၸိူင်ႉၼႆယူႇ။ ၽြႃး ပဵၼ်ၸဝ်ႈႁေႃးဝႆႉဝႃႈ ‘ဢၼ်ႇတၽူႇတေႃး ဢယမ်ႇလေႃးၵေႃး’ ၼႆလႄႈ ၼႂ်းလေႃးၵလူင်ၼႆႉ သင်ဝႃႈဢမ်ႇမီးထမ်ႇမပေႃးၼႆၸိုင် ပဵၼ်မိူင်းဢၼ် လပ်းသိင်ႇလူင်ၼႆယဝ်ႉ။ ယွၼ်ႉမီးထမ်ႇမလႄႈ ၼႂ်းမိူင်းလေႃးၵလူင်ၼႆႉ သတ်ႉတဝႃႇၶဝ်ၵေႃႈ မီးႁူလႅင်းတႃလႅင်းသေ ႁုႁၼ်ထမ်းတြႃးသတ်ႉၸႃႇ ၵႂႃႇတင်းၼမ်တင်းလၢႆယူႇယဝ်ႉ။ မိူင်းႁဝ်းၵေႃႈယွၼ်ႉႁၼ်ထိုင်ဝႃႈ လုၵ်ႈ ဢွၼ်ႇႁဝ်းၸိူင်းတိုၵ်ႉလပ်းသိင်ႇယူႇၸိူဝ်းၼၼ်ႉ ၼင်ႇႁိုဝ်ပေႃးတေႁူလႅင်း တႃလႅင်းသေဢမ်ႇၵႃး ၸွမ်းၼင်ႇထမ်းတြႃးၽြႃးပဵၼ်ၸဝ်ႈသူင်ႇပၼ် ထိုင် လႆႈၼၼ်ႉ ႁႂ်ႈႁဵၼ်းႁုႁၼ်ၵႂႃႇလႆႈၼႆလႄႈ ၸင်ႇၶတ်းၸႂ်သေ ဢွၼ်ၵၼ် တင်ႈမႃးႁူင်းႁဵၼ်းထမ်ႇမယူႇယဝ်ႉ။

လဵပ်ႈႁဵၼ်းႁုႁၼ်ပၼ်ႁႃလႄႈသၢႆငၢႆ ဢမ်ႇမီးႁူင်းႁဵၼ်းထမ်ႇမ

• (1) ပိူၼ်ႈၵျၢမ်ႇႁႂ်ႈ ၸိူူဝ်ႉၶိူဝ်း၊ ၽႃႇသႃႇ၊ သႃႇသၼႃႇႁဝ်းႁၢႆ။ ၵွပ်ႈၼၼ်လႄႈ ႁဝ််းၵူူႈၵေႃႉၼႆႉ မီးပုၼ်ႈၽွၼ််း တႃႇၵႅတ်ႇၶႄ ၸိူဝ်ႉၶိူဝ်း၊ ၽႃႇသႃႇ၊ သႃႇ သၼႃႇႁဝ်း။ တႃႇၵႅတ်ႇၶႄၸိူ်ဝ်းၼႆႉ ႁဝ်းသမ်ႉလူဝ်ႇလႆႈသင်လႃႇၼႆ လူဝ်ႇမီးပၢင်သွၼ်ၾိင်ႈငႄႈပုတ်ႉထၵႂၢင်ႈ ꧦၶႂၢင် ꧦ လႄႈလူဝ်ႇမီးပူၵ်ႉၵူဝ်ႇ ၼင်ႈၵျွင်းၼမ်ၼမ်။

• (2) မိူင်းႁဝ်းမၢင်တီႈၼႆႉ ယွၼ်ႉပိူဝ်ႈဢမ်ႇမီးလွင်ႈပွင်ႇၸႂ် လွင်ႈႁၵ်ႉသႃၸိူူဝ်ႉ ၶိူဝ်း၊ ၽႃႇသႃႇ၊ သႃႇသၼႃႇၶွင်ႁဝ်းလႄႈ ၵႂႃႇႁွင်ႉပိူၼ်ႈမႃးပိုတ်ႇပူင်သွၼ် ၽႄႈၸိူဝ်ႉၶိူဝ်း၊ ၽႃႇသႃႇ၊ သႃႇသၼႃႇပိူၼ်ႈၸိူဝ်းၼႆႉၵေႃႈ မီးမႃး လႆႈ ႁၼ်မႃး။

• (3) သင်ႇၶႁဝ်း ဢမ်ႇတူင်ႉၼိုင်သင်ယဝ်ႉႁႃႉ၊ ပိူၼ်ႈဢွၼ်ထၢမ်မႃးယူႇ ယႂ််း႘ယဝ်ႉ။ ႁဝ်းၵႂႃႇတူၺ်း မုၼ်ၸဝ်ႈ ၶရိယၢၼ်ႇ၊ မုၼ်ၸဝ်ႈမူသလိၼ်ႇ၊ မုၼ်ၸဝ်ႈမၢၼ်ႈၶဝ်၊ ၶဝ်ၼႆႉ ၶဝ်ဢမ်ႇပႂ်ႉႁႂႂ််ႈပိူၼ်ႈမႃးၸူးၵျွင်းႁင်းၵူၺ်း၊ ၶဝ်ႁႃလွၵ်းလၢႆးႈမၼ်းသေ လူင်းသူၼ်းတုမ်ၸွႆႈထႅမ် ထိုင်တီႈၼႂ်းဝဵင်း ဝၢၼ်ႈၼွၵ်ႈၵႂႃႇ။ ၶဝ််ၸွႆႈၽၢႆႆႇပၢႆးပၺ်ႇၺႃႇဢမ်ႇၵႃး ၸွႆႈပႃးၵၢၼ်ပၢႆးဢုပ်ႉ ပိူင်ႇ၊ ပၢႆးမၢၵ်ႈမီး၊ ပၢႆးၽုၵ်ႇသွမ်ႈၸိူူဝ်းၼႆႉၵွၼ်ႇ။ ပေႃးၶဝ်ၵႂႃႇၵေႃႈ မုၼ် ၸဝ်ႈလူင်ၶဝ်၊ ၵူၼ်းလူင်ၶဝ်ၸိူဝ်းၼႆႉၵေႃႈ ၵႂႃႇၸွမ်းပႃးယူႇယဝ်ႉ။

• (4) ပေႃးၵဵဝ်ႇလူၺ်ႈၵၢၼ်လိၵ်ႈလၢႆးမႃးၼႆ ၵမ်ႉၼမ်သင်ၶႃႇမိူ်င်းတႆးႁဝ်း တိုၵ်ႉ ဢွၼ်ၵၼ်ၸွႆႈလႆႈ လုၵ်ႈဢွၼ်ႇၸၢႆး/ယိင်းဝၢၼ်ႈၼွၵ်ႈၵူၺ်း။ လုၵ်ႈဢွၼ်ႇ ၼႂ်းၶူးၼႂ်းဝဵင်းၼႆႉ ဢမ်ႇတွၼ်ႉႁူၺ်းလႆႈ၊ ဢၼ်ၼႃႇလိူဝ်ၼၼ်ႉတေႉ လုၵ်ႈဢွၼ်ႇယိင်းဢၼ်မီးၼႂ်းဝဵင်းလႂ်၊ ဝၢၼ်ႈၼွၵ်ႈလႂ် ႁၢမ်းလွင်ႈသွၼ် ႁဵၼ်း ၽၢႆႇထမ််ႇမၵႂႃႇမူတ်း။ ယွၼ်ႉဢမ်ႇလႆႈသင်ႇသွၼ်လႄႈ ၵူၼ်းႁဝ််း ယဵၼ််းပဵၼ်ပိူၼ်ႈၼမ်ၼႃႇယဝ်ႉ။

• (5) ဢမ်ႇမီးပပ်ႉႁဵၼ်းတဵမ်ထူၼ်ႈၼႆႉ ႁဝ်းၶႂ်ႈႁဵတ်းသင်ၵေႃႈ တိုၵ်ႉမီးတၢင်း ယၢပ်ႇၽိုတ်ႇၼမ်။ ၵဵဝ်ႇလူၺ်ႈပပ်ႉလၵ်းသုတ်ႇႁဝ်းၼႆႉ ၽူႈလူင်ႉလႅၼ်ႇ လိၵ်ႈလၢႆးတႆးႁဝ်းၵေႃႈ ဢွၼ်ၵၼ်ၶတ်းၸႂ်မႃး ပဵၼ်လၢႆၽဝ်ႇ လၢႆၸုပ်ႈ ၼင်ႇၵဝ်ႇ။ ၵူၺ်းၵႃႈ ႁႂ်ႈပေႃးဢွၼ်ၵၼ်ၶဵၼ်တႅမ်ႈ ထိုင်ၸၼ်ႉထိုင်ၸွမ် ၼၼ်ႉတႄႉ ပႆႇလႆႈႁၼ်။

• (6) ႁဝ်းလႆႈပိုတ်ႇပၢင်သွၼ်လိၵ်ႈတႆးၶၢဝ်းမႆႈလႄႈ ပၢင်သွၼ်ၾိင်ႈငႄႈပုတ်ႉထ မႃးၵူႈပီပီ၊ ၼမ်ႉတွၼ်းမၼ်း မီးမႃးၵႃႈႁိူူဝ်ၵေႃႈ ႁဝ်းလႆႈၸၢမ်ႇမႃးယူႇ၊ ၵူၺ်းၵႃႈ ၵၢပ်ႈပၢၼ်မိူင်းမိူဝ်ႈလဵဝ်တႄႉ ႁဝ်းတေၸႂ်ႉလွၵ်းလၢႆးၼႆႉ ၽၢႆႇ လဵဝ်ၵူၺ်းတႄႉ ဢမ်ႇပဵၼ်ၵၢၼ်ယဝ်ႉ။ ႁဝ်းၵႂႃႇတူူၺ်းမၢၼ်ႈ၊ မၢၼ်ႈၶဝ် ၵေႃႈ ၶဝ်ယၢမ်ႈပိုတ်ႇ ‘ပူတ်ႉတပႃႇတႃႇယိၼ်ႇၵျေးမု’မႃး၊ ၵူၺ်းၵႃႈ မၼ်းဢမ်ႇၶိုပ်ႈၼႃႈလႄႈ ၶဝ်ၵေႃႈလၢႆႈလၢႆးမႂ်ႇထႅင်ႈ။

• (7) ႁူင်းႁဵၼ်းၶၢဝ်းမႆႈၼၼ်ႉ ၶၢဝ်းယၢမ််််််းပူင်သွၼ်ႁဝ်း မီးသွင်လိူၼ်ပၢႆ။ ၼႂ်း သွင်လိူၼ်ၼၼ်ႉၵေႃႈ မီးပွႆးသွၼ်းၼမ်ႉ၊ မီးပွႆးၵၼ်ႇတေႃးၵၼ် ဝၢၼ်ႈ တႂ်ႈမိူင်းၼိူဝ်လႄႈ ၶၢဝ််းယၢမ်းႁၢမ်းပဝ်ႇလၢႆၼမ်ၼႃႇ။ သွၼ်ယဝ်ႉၵေႃႈ ပေႃးၶၢဝ်းယၢမ်းၶွႆႈပီမႃး လုၵ်ႈဢွၼ်ႇၶဝ်သမ်ႉပေႃးလိုမ်းမူတ်းယဝ်ႉ။

• (8) ၵၢၼ်ၸိူဝ်းၼႆႉ ပေႃးႁဝ်းဢမ်ႇၽွမ်ႉၵၼ်ႁဵတ်းၼႆ မၼ်းမီ်းတၢင်းယၢပ်ႇ ၽိုတ်ႇလၢႆလၢႆလွင်ႈ။ ပေႃးၸူးဢဝ်ႁဝ်းထုင်ႉလႂ်ထုင်ႉၼၼ်ႉ ဢမ်ႇၼၼ် ၵျွင်းလႂ်ၵျွင်းၼၼ်ႉၵူၺ်းၸိုင် လုၵ်ႈဢွၼ်ႇၶဝ်တေဢမ်ႇၶႂ်ႈမႃး၊ ႁဝ်းႁဵတ်း သင်၊ ꧤႂ်ပဵၼ်ၽႂ်ၼႆၵေႃႈ သမ်ႉပေႃးႁူႉၵၼ်ယူႇယဝ်ႉ။

• (9) ဢၼ်တင်ႈႁင်းၵူၺ်းသေ ႁဵတ်းၵႂႃႇတီႈၽႂ်တီႈမၼ်းၼၼ်ႉ တေၸၢင်ႈ ၶိုၼ်ႈယႂ်ႇယူႇ။ ၵူၺ်းၵႃႈတီႈဢၼ်ပိူၼ်ႈၶႂ်ႈမီးသေ ဢမ်ႇပႆႇၸၢင်ႈႁဵတ်း ၼၼ်ႉ ႁဝ်းတေႁဵတ်းႁိူဝ်ဝူၼ်ႉပၼ်ၶဝ်။

• (10) ၵၢၼ်ၵေႃႇတင်ႈႁူင်းႁဵၼ်းလႄႈ ၵၢၼ်တႅမ်ႈလၵ်းသုတ်ႇၼႆႉ ႁဝ်းၶဵၼ်ႇ တႅမ်ႈ ႁင်းၽႂ်ႁင််းၵေႃႈလႆႈယူႇ။ ၵူၺ်းၵႃႈမၼ်းတေၼၢၼ်းထိုင်ပဝ်ႉမၢႆ၊ လိူဝ်သေၼၼ်ႉ ပေႃးပိူၼ်ႈမီးမုၵ်ႉၸုမ်းသေ မႃးလေႃႇသႂ်ႇႁဝ်းၸိုင် တေ ဢမ်ႇၸၢင်ႈၶိုင်ပေႉပိူၼ်ႈလႆႈ။ လုၵ်ႈဢွၼ်ႇမိူင်းႁဝ်းၼႆႉ ၵႂႃႇႁဵၼ်းလိၵ်ႈ မၢၼ်ႈ ဢမ်ႇၵတ်ႉမႃးႁႃႉၼႆဢမ်ႇၸႂ်ႈ ၵတ်ႉမႃးယူႇ၊ ၵူၺ်းၵႃႈ တၢင်း ယၢမ်ႈၶဝ်ဢမ်ႇပေႃးလီ။

• (11) ၵူၼ်းႁဝ်းတူၵ်းသုမ်းပိူၼ်ႈၼႆႉ ယွၼ်ႉႁဝ်းတိုၵ်ႉယွမ်းဝႆႉၽၢႆႇပၢႆးပၺ်ႇ ၺႃႇ၊ ပေႃးဢမ်ႇမီးပၢႆးပၺ်ႇၺႃႇၼႆႉ ႁဵတ်းသင်ၵေႃႈ ႁဝ်းဢမ်ႇႁတ်း တေႃႇသူႈပိူၼ်ႈ။ ဢၼ်ၵၢၼ်ပၢႆးပၺ်ႇၺႃႇႁဝ်း တူၵ်းတႅမ်ႇၼႆႉ ဢမ်ႇ ၵူၺ်းၵႃးလုၵ်ႈဢွၼ်ႇ။ ၵူၼ်းလူင်ႁဝ်းၵေႃႈ ပႃးၽွင်ႈယဝ်ႉ။

• (12) ပေႃးပိူၼ်ႈမီး ႁဝ်းဢမ်ႇမီးၼႆႉ လုၵ်ႈဢွၼ်ႇႁဝ်းၸၢင်ႈလႆႈၼႃႈလဵၵ်ႉ၊ ပေႃးၶဝ်ထၢမ်ႁဝ်းၵူၼ်းလူင် ႁဝ်းတေတွပ်ႇၶိုၼ်းၸိူင်ႉႁိူဝ်။ ႁဝ််းတေ ၵွတ်ႇၵႆႇသေ ပၼ်ၶဝ်ၵႂႃႈႁႃၵိၼ်တီႈပိူၼ်ႈတိၵ်းတိၵ်းယဝ်ႉႁိူဝ်။ ပေႃး ပိူၼ်ႈဢဝ်ၽႃႇသႃႇပိူၼ်ႈသေ မႃးပိုတ်ႇပၼ်တီႈႁဝ်း၊ ႁဝ်းသမ်ႉဢမ်ႇႁပ်ႉ ၼႆ ပိူၼ်ႈၸၢင်ႈဝႃႈႁင်းႁဝ်း။

• (13) ပေႃးလုၵ်ႈဢွၼ်ႇႁဝ်းၵူၼ်းမိူင်းႁဝ်းၶဝ် မုင်ႈမွင်းမႃး ၶွႆပိူၼ်ႈမႃးၼႆ ႁဝ်း ဢမ်ႇမီးလၵ်းသုတ်ႇႁၢင်းၵူၺ်းၵေႃႈ တင်းၶို်ၵ်ႉဢမ်ႇၶိုၵ်ႉသေ လႆႈၵႂႃႇ ဢဝ်လိၵ်ႈလၢႆးၶွင်ပိူ်ၼ်ႈ မႃးလဵင်ႉဢွႆႇပွၼ်ႈပၼ်ၶဝ်။ ၵူူၺ်းၵႃႈ ပေႃးဝူၼ်ႉ လိုၵ်ႉလို််ၵ်ႉတႄႉ ၵူၼ််းၸိူဝ်းၼၼ်ႉၶဝ်ၵေႃႈပဵၼ်တႆး။ ဢမ်ႇလိူဝ်လႆႈ လႄႈ ၶူးသွၼ်ၵေႃႈ ၵႃႈလႆႈဢဝ်ၵႂၢမ်းပိူၼ်ႈသွၼ်၊ လုၵ်ႈႁဵၼ်းၵေႃႈ ၵႃႈ လႆႈႁဵၼ်းဢဝ်ၵႂၢမ်းပိူၼ်ႈ။

• လုၵ်ႈႁဵၼ််းႁဝ်း ၵႂႃႇပဵၼ်လုၵ်ႈႁဵၼ်းပိူၼ်ႈ ႁဝ်းသုမ်းပဵၼ်ၵႃႈႁိူဝ်၊ ၶူးမေႃ သွၼ်ႁဝ်း ၵႂႃႇပဵၼ်ၶူးမေႃသွၼ်ၽၢႆႇပိူၼ်ႈ ႁဝ်းသုမ်းၶၢဝ်းယၢမ်းၵႃႈႁိူဝ်၊ ဢၼ်ၼႃႇလိူ်ဝ်ၼၼ်ႉ ၵူၼ်းႁဝ်််းယဵၼ်းပဵၼ်ပိူ်ၼ်ႈ၊ ၵႆၸိူဝ်ႉၶိူဝ်း၊ ꧤႃႇ သႃႇ၊ သႃႇသၼႃႇၼၼ်ႉ ၶႂ်ႈႁိမ်ဢဝ်ၶို်ၼ်းၵေႃႈ မၼ်းဢမ်ႇငၢႆႈ။ ပေႃးဝႃႈလဵပ်ႈႁဵၼ်းလႆႈမႃးၶေႃႈမုၼ်း ၸိူဝ်းဢၼ်တႅမ်ႈၼႄမႃး ပႃႈၼိူဝ်ၸိူဝ်းၼႆႉ ယဝ်ႉၸိုင် ထိုင်မႃးဝၼ်းထိ 23ႉ2ႉ2014 ၼၼ်ႉ ၸင်ႇဢဝ်ၶေႃႈမုၼ်းၸိူဝ်းၼႆႉ သူင်ႇ ထိုင်ၸူးၸဝ်ႈၶူးလူင် တွၵ်ႉတိူဝ်ႇ ၶမ်းမၢႆ ထမ်ႇမသႃႇမိ ယူႇယဝ်ႉ။ ဝၢႆးသေၸဝ်ႈၶူးလူင် လႆႈႁၼ်မႅၼ်ႈလိၵ်ႈဢၼ်သူင်ႇၸူးမၼ်းၸဝ်ႈၼၼ်ႉယဝ်ႉၸိုင် ၸင်ႇတႅမ်ႈလိၵ်ႈထိုင် ၶိုၼ်းမႃး တီႈၽူႈတႅမ်ႈလိၵ်ႈၵမ်းလဵဝ်ယူႇ၊ လႆႈႁၼ်ၸဝ်ႈၶူးလူင်ႁဝ်းပၼ်ႁႅင်းထၢတ်ႈၸႂ် လႄႈ ပဵၼ်ဢၼုမေႃးတၼႃႇၸွမ်းႁဝ်းၶႃႈ ဢၼ်လႆႈတူင်ႉၼိုင်ၼႃႈၵၢၼ် တႃႇတေပဵၼ် ႁူင်းႁဵၼ်းထမ်ႇမၼၼ်ႉယူႇယဝ်ႉ။

ထိုင်မႃးဝၼ်းထိ 2/5/2014 ၼၼ်ႉ ၶၢဝ်းယၢမ်း ၵၢင်ၶမ်ႈ 7း00 ဢိင်ဢဝ်ပၢင် ပွႆးတၢင်ႇၸွင်ႈၵျွင်းၽြႃးလူင် ဝဵင်းတၢင်ႉယၢၼ်းသေ သင်ႇၶၸဝ်ႈၼႂ်းမိူင်းၼွၵ်ႈမိူင်းၵေႃႈ ႁွတ်ႈထိုင်ဝႆႉတင်းၼမ်လႄႈ ၸင်ႇလႆႈၸတ်းႁဵတ်းပၢင်ၵုမ်ပွၵ်ႈၵမ်းၼိုင်ႈ တီႈၵျွင်းၵၢင် ဝဵင်း ဝဵင်းတၢင်ႉယၢၼ်းၼၼ်ႉယဝ်ႉ ။ တီႈၼႂ်းပၢင်ၵုမ်ၼၼ်ႉ လႆႈႁၼ်သြႃႇၸဝ်ႈ သင်ႇၶၸဝ်ႈ ၸိူဝ်းၶိုၼ်ႈႁွတ်ႈပၢင်ၵုမ် 170 လိူ0် ꧦ ႁၼ်လီၵမ်ႉထႅမ်ၸွမ်းလႄႈ ထိုင်မႃး ဝၼ်းထိ 27ႉ5ႉ2014 ၼၼ်ႉ တၢင်တူဝ်ၸုမ်းလဵပ်ႈႁဵၼ်းတင်းသဵင်ႈသေ တူဝ်ၶႃႈလႆႈ တႅမ်ႈလိၵ်ႈတၢင်ႇ ထိုင်တီႈၼႂ်းပၢင်ၵုမ်လူင်ၶွပ်ႈပီ ငဝ်ႈငုၼ်းမုၵ်ႉၸုမ်းလူင်သင်ႇၶၸိုုင်ႈ တႆး ဢၼ်ၸတ်းႁဵတ်းတီႈ ၼႂ်းႁူင်းထမ်းလူင်သုဝၼ်ႇၼၽူႇမိ ဝတ်ႉပိတၵၢတ်ႈငဝ်ႈ ငုၼ်းၼၼ်ႉယဝ်ႉ။

ထိုင်မႃးဝၼ်းထိ 6/6/2014 တေႃႇထိုင် 28/6/2014 ၼၼ််ႉ ႁဝ်းၶႃႈၸဝ်ႈပီႈ ၸဝ်ႈၼွင်ႉ ဢၼ်လုၵ်ႉၼွၵ်ႈမိူင်းၼႂ်းမိူင်း မႃးႁူမ်ႈၵၼ်တႅမ်ႈလၵ်းသုတ်ႇ တီႈဝတ်ႉဝေႇ လုဝၼ်ႇ ဝဵင်းလူင်တူၼ်ႈတီးၼၼ်ႉယူႇယဝ်ႉ။ ပီဢွၼ်တၢင်းသုတ်းၼၼ်ႉ တႅမ်ႈယဝ်ႉ ၵႂႃႇၸၼ်ႉငဝ်ႈ၊ ၸၼ်ႉၼိုင်ႈ၊ ၸၼ်ႉသွင်ၼႆယဝ်ႉ။ ၸဝ်ႈဢၼ်ၵုမ်းထတ်းပၼ်ပပ်ႉ လၵ်းသုတ်ႇႁူင်းႁဵၼ်းထမ်ႇမႁဝ်းၶႃႈတေႉ ပဵၼ်ၸဝ်ႈသြႃႇသုၶမိၼ်ႇတ (ၸဝ်ႈသြႃႇသု ၶမ်း) ဢၵ်ၵမႁႃၵမ်မတ်ထႃၼႃၸရိယ ၊ၵျွင်းလွႆတိုင်ၶမ်း ဝဵင်းမူႇၸေႈယဝ်ႉ။ ၸဝ်ႈသြႃႇ၊ ၸဝ်ႈၶူးၶဝ် ဢၼ်မႃးၶဝ်ႈႁူမ်ႈ ၸွႆႈတႅမ်ႈ လၵ်းသုတ်ႇပပ်ႉႁူင်းႁဵၼ်းထမ်ႇမႁဝ်းၶႃႈတေႉ မိူၼ်ၼင်ႇတီႈတႂ်ႈၼႆႉယဝ်ႉ။

1 ၸဝ်ႈၶူးပၺ်ႇၺႃႇသႃႇရ ၵျွင်းၵၢင်ဝဵင်း ဝဵင်းသီႇပေႃႉ 2 ၸဝ်ႈသြႃႇဝိၸေႇယ ၵျွင်းမင်ႇၵလႃႇရူင်ႇၵၢင်ဝဵင်း ဝဵင်းသႅၼ်ဝီ 3 ၸဝ်ႈၶူးသီရိထမ်ႇမ ၵျွင်းဝေႇလုဝၼ်ႇ ဝဵင်းတူၼ်ႈတီး 4 ၸဝ်ႈၶူးပၺ်ႇၺႃႇသႃႇမိ ၵျွင်းၵၢင်ဝဵင်း ဝဵင်းတၢင်ႉယၢၼ်း 5 ၸဝ်ႈၶူးၸေႃးတိၵ ၵျွင်းပိတၵၢတ်ႈ ဝဵင်းပၢင်လူင် 6 ၸဝ်ႈသြႃႇၵဝိၼ်ႇတ ၵျွင်းတူၵ်း ဝဵင်းမိူင်းပွၼ် 7 ၸဝ်ႈၶူးမုၼိၼ်ႇတ ၵျွင်းလူင်ဝၢၼ်ႈၸၢမ် ဝဵင်းၼမ်ႉတူႈ 8 ၸဝ်ႈၶူးဝိၸိတ်ႉတ ၵျွင်းႁူဝ်ဝဵင်း ဝဵင်းၼမ်ႉလၼ်ႈ 9 ၸဝ်ႈၶူးဝၼ်ႇၼသႃႇမိ ၵျွင်းၵၢင် ဝဵင်းၼမ်ႉလၼ်ႈ 10 ၸဝ်ႈသြႃႇဢရိယ ၵျွင်းႁူဝ်ၶၢႆး ဝဵင်းမိူင်းၵိုင် 11 ၸဝ်ႈသြႃႇပၼ်ႇတိတ်ႉၸ ၵျွင်းမႁႃႇမုၼိဝၢၼ်ႈသၢၵ်ႇ တူင်ႇဝဵင်းၵႃလိ 12 ၸဝ်ႈၶူးၵေႃးဝိတ ၵျွင်းဝၢၼ်ႈသေႃႉ မိူင်းသူႈ 13 ၸဝ်ႈသြႃႇဢေႃးၽႃႇသ ဝတ်ႉလႅင်းသႂ်ထမ်း ပၢင်ႇလႅင်းသႂ် ၼမ်ႉၸၢင် 14 ၸဝ်ႈသြႃႇသုၸိၼ်ႇတ ၵျွင်းဝၢၼ်ႈၽိူင်း ၵေးသီး 15 ၸဝ်ႈသြႃႇဝီရိယ ၵျွင်းဝဵင်းၸၢမ် ဝၢၼ်ႈလီႈတူင်ႇဝဵင်းသီႇပေႃႉ 16 ၸဝ်ႈသြႃႇဢရိယ ၼမ်ႉႁူးၼွႆႉ တူင်ႇဝဵင်းသီႇပေႃႉ 17 ၸဝ်ႈၶူးၼၼ်ႇတိယ ဝတ်ႉမင်ႇၵလႃႇမူၺ်ႇတေႃႇ ဝဵင်းပၢင်လူင် 18 ၸဝ်ႈၶူးတွၵ်ႉတႃႇပၼ်ႇတဝ ဝတ်ႉပၢင်ႇ ဝဵင်းလၢႆးၶႃႈ 19 ၸဝ်ႈၶူးၸၼ်ႇတိမႃႇ ဝတ်ႉရႃႇၸႃႇၵွင်တႆး ဝဵင်းမိူင်းပၼ်ႇ 20 ၸဝ်ႈၶူးၵုမႃႇရ ဝတ်ႉၸၢင်ႉၽိူၵ်ႇ ဝဵင်းမိူင်းပၼ်ႇ 21 ၸဝ်ႈသြႃႇပၺ်ႇၺႃႇဝမ်ႇသ ၵျွင်းႁုင်းၶမ်း ဝဵင်းၵေးသီး 22 ၸဝ်ႈၶူးၵေႃးသၼ်ႇလ ၵျွင်းၽြႃးလူင် ဝဵင်းတၢင်ႉယၢၼ်း 23 ၸဝ်ႈၶူးမိၼ်ႇတၵ ၵျွင်းလူင်မု ဝဵင်းတၢင်ႉယၢၼ်း 24 ၸဝ်ႈၶူးၶတ်တိယ ၵျွင်းၵုၼ်ၵွၵ်ႇ ဝဵင်းသႅၼ်ဝီ 25 ၸဝ်ႈၶူးဝိသုတ်ထ ၵျွင်းၽူဝ်းတေႃႇ ဝဵင်းသီႇပေႃႉ 26 ၸဝ်ႈသြႃႇၶေႇမိၼ်ႇတသႃႇရ ၵျွင်းဝႃႇသူဝ်ႇ ဝဵင်းလၢႆးၶႃႈ 27 ၸဝ်ႈၶူးထမ်ႇမိၵ ၵျွင်းၼႃးသၢႆး ဝဵင်းၼမ်ႉတူႈ 28 ၸဝ်ႈၶူးပၼ်ႇတိတ ၵျွင်းမိူင်းယဵၼ် ။ 29 ၸဝ်ႈၶူးၶၼ်ႇတီႇၸႃႇရ ၵျွင်းပိတၵၢတ်ႈ ဝဵင်းပၢင်လူင် 30 မေႃသွၼ်ၸၢႆးၶမ်းဢွင်ႇ ဝဵင်းတၢင်ႉယၢၼ်း 31 မေႃသွၼ်ၼၢင်းမူဝ်သႂ်လႅင်း ဝဵင်းလႃႈသဵဝ်ႈ 32 မေႃသွၼ် ပႃႈမူၼ်း ဝၢၼ်ႈၸၢမ်မိူင်းမု 33 မေႃသွၼ်ၼၢင်းၶမ်းဢိင်ႇ ဝၢၼ်ႈတိုဝ်ႉမွၼ်း သီႇပေႃႉ 34 မေႃသွၼ်ၼၢင်းၼုၸိင်ႇ ဝၢၼ်ႈလွႆတွင်း ။ 35 မေႃသွၼ်ၼၢင်းၶမ်းပၢင်ႇ ၼႃးမၢၵ်ႇၶေႃ ။ 36 မေႃသွၼ်ၼၢင်းၸၢမ်လႅင်း သွင်ၵႄး ။ 37 မေႃသွၼ်ၼၢင်းသႅင်ႁွမ်ၶိူဝ်း ဝဵင်းလႃႈသဵဝ်ႈ 38 မေႃသွၼ်ၼၢင်းၽူၺ်းလၢဝ် ဝဵင်းၼမ်ႉၸၢင် 39 မေႃသွၼ်ၼၢင်းမူၺ်ၽွင်။

ဢၼ်ပႃး တီႈၼႂ်းပပ်ႉလၵ်းသုတ်ႇႁူင်းႁဵၼ်းထမ်ႇမႁဝ်းဝၼ်းမိူဝ်ႈၼႆႉ

1ႉ သိူၵ်ႈပိုၼ်းၽြႃး (မၵ်းမၼ်ႈၸွမ်းၸၼ်ႉ) 2ႉ ၸႃႇရိတ်တထမ်း (ၢဝမေူ ၶႄငၼၺၶၼ) 3ႉ ဢၽိထမ်း (ႁႆငူဝဝႄႁႆပ ူငုၼ ီမႉ ၢငၺ ငြၺ ႁွဝၺ) 4ႉ လၢႆးလူပႃလိတႆး (မင်ႇၵလႃႇသုတ်၊ ရတၼသုတ်ႈ၊မဵတ်ႉတႃႇသုတ်ႈ) 5ႉ ၽိင်ႈငႄႈတႆး (ပွႆးဢွၵ်ႇဝႃႇ၊ ပွႆးၼူၵ်ႉတူဝ်း ၵဵပ်းဢဝ်မႃးတီႈၸိူဝ်းပဵၼ်မေႃလိၵ်ႈ လူင်ၶဝ်ပၢၼ်ၵဝ်ႇတႅမ်ႈ) 6ႉ သိင်ႇၵႃႇလေႃးဝႃႇတ (သႂ်ႇဝွၵ်းလႄႈ ၶေႃႈသပ်းလႅင်း) 7ႉ လေႃးၵၼီႇတိ 8ႉ ထမ်ႇမပတ 9ႉ သိၼ်ႁႃႈ သိၼ်ပႅတ်ႇ 10ႉ သတ်ၸႃႇသီႇပိူင်၊ မၢၵ်ႈၵၢင်ႇပႅတ်ႇပိူင် 11ႉ သပ်းလႅင်းဢေႃးၵႃႇသႁူဝ်ယွႆႈမၼ်း 12ႉ ပိုၼ်းသႃႇသၼႃႇ၊ထေႇရဝႃႇတ၊ မႁႃႇယၼ 13ႉ ၸႃႇတၵ 14ႉ သုတ်တ 15ႉ ဝွၵ်း ပဵၼ်ၸိူဝ်းၼႆႉယဝ်ႉ။

ၽႂ်ပဵၼ်ၽႂ် ၼႂ်းၵေႃပွင်ၵၢၼ်ႁူင်းႁဵၼ်းထမ်ႇမ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး

1ႉ ၸဝ်ႈၶူးပၺ်ႇၺႃႇသႃႇရ ၵျွင်းၵၢင်ဝဵင်း ဝဵင်းသီႇပေႃႉ ႁူဝ်ပဝ်ႈ 2ႉ ၸဝ်ႈသြႃႇဝိၸေႇယ ၵျွင်းၵၢင်ဝဵင်း ဝဵင်းသၼႄ်ဝီ ၵႅမ်ႁူဝ်ပဝ်ႈ 1 3ႉ ၸဝ်ႈၶူးၵေႃးဝိတႃႇၸႃႇရ ၵျွင်းမူၺ်ႇတေႃႇဝဵင်းမိူင်းပၼ်ႇ ၵႅမ်ႁူဝ်ပဝ်ႈ 2 4ႉ ၸဝ်ႈၶူးသီရိထမ်ႇမ ၵျွင်းဝေႇလုဝၼ်ႇ ဝဵင်းတူၼ်ႈတီး ၽူႈမၢႆ 5ႉ ၸဝ်ႈၶူးပၺ်ႇၺႃႇသႃႇမိ ၵျွင်းၵၢင်ဝဵင်း ဝဵင်းတၢင်ႉယၢၼ်း ၵႅမ်ၽူႈမၢႆ 1 6ႉ ၸဝ်ႈသြႃႇဢေႃးၽႃႇသ ၵျွင်းလႅင်းသႂ်ထမ်း ပၢင်ႇလႅင်းသႂ် ၼမ်ႉၸၢင်

ၵႅမ်ၽူႈမၢႆ 2

7ႉ ၸဝ်ႈသြႃႇၵဝိၼ်ႇတ ၵျွင်းတူၵ်း မိူင်းပွၼ် ၽူႈယိပ်းငိုၼ်း 8ႉ ၸဝ်ႈသြႃႇသုထမ်ႇမ ၵျွင်းပၢင်လူင် ၼမ်ႉတူႈ ၽူႈၶဝ်ႈၸုမ်း 9ႉ ၸဝ်ႈၶူးၼၼ်ႇတထၸ မူၺ်ႇတေႃႇ ပၢင်လူင် ။ 10ႉ ၸဝ်ႈၶူးထမ်ႇမထၸ ၵျွင်းတေႃးရ ဝဵင်းလႃႈသဵဝ်ႈ ။ 11ႉ ၸဝ်ႈၶူးသုဝၼ်ႇၼ ၵျွင်းတူၼ်ႈႁုင်း ဝဵင်းၵဵင်းတွင်း ။ 12ႉ ၸဝ်ႈသြႃႇၵေႃးဝိတ ၵျွင်းပိင်ၶဵတ်ႇ ဝဵင်းလွႆၵေႃႇ ။ 13ႉ ၸဝ်ႈၶူးဝပ်ႉပ ၵျွင်းႁွင်ႇ ဝဵင်းမူႇၸေႈ ။ 14ႉ ၸဝ်ႈသြႃႇပၺ်ႇၺႃႇၽေႃးၵ ၵျွင်းမင်ႇၵလႃႇယၢၼ်ႇဢွင်ႇ ဝဵင်းမိူင်းၼွင် ။ 15ႉ ၵေႃပွင်ၵၢၼ်ႁူင်းႁဵၼ်းထမ်ႇမၵူႈတူင်ႇဝဵင်း ပဵၼ်ၽူႈၶဝ်ႈၸုမ်းတင်းသဵင်ႈ

ၼႃႈၵၢၼ်တူင်ႉၼိုင်ႁူင်းႁဵၼ်းထမ်ႇမၸိုင်ႈတႆး

ၼႃႈၵၢၼ်ဢၼ်ၵေႃပွင်ၵၢၼ်ႁူင်းႁဵၼ်းထမ်ႇမၸိုင်ႈတႆး တူင်ႉၼိုင်ယူႇၼၼ်ႉ ၼိုင်ႈၿိ ၼိုင်ႈပွၵ်ႈ ႁူမ်ႈၵၼ်တႅမ်ႈ ပပ်ႉလၵ်းသုတ်ႇႁူင်းႁဵၼ်းထမ်ႇမ၊ ယၢမ်းလဵဝ်ႁွတ်ႈထိုင်ၸၼ်ႉ ႁူၵ်းယဝ်ႉ။ ႁဵတ်းပၢင်ၽိုၵ်းၽွၼ်ႉ တႃႇပဵၼ်မေႃသွၼ်ႁူင်းႁဵၼ်းထမ်ႇမ ၵူႈတီႈတီႈ ၼႂ်းမိူင်း တႆး၊ မိူင်းယၢင်းလႅင်၊ ပိုတ်ႇၽုၺ်ႇႁူင်းႁဵၼ်းထမ်ႇမ၊ ဢဝ်ထမ်ႇမၼၢမ်းၼႃႈသေ ၶဝ်ႈႁႃၸိူဝ်း ပဵၼ် ၸၢဝ်းၶိူဝ်းႁဝ်း ဢၼ်ၵႂႃႇမီးၼႂ်းၵႄႈၵၢင်ၵူၼ်းတၢင်ႇၶိူဝ်း၊ ႁဵတ်းပၢင်တၢၼ်ႈၶႆႈပၼ် တၢင်းႁု လုၵ်ႈဢွၼ်ႇလႄႈၵူၼ်းလူင်၊ ႁူၵ်းလိူၼ်ၼိုင်ႈပွၵ်ႈ မီးပၢင်ၵုမ်လူင် ႁူင်းႁဵၼ်းထမ်ႇမ ၼႂ်းၸိုင်ႈတႆးပတ်းပိုၼ်ႉ၊ ၼႂ်းတူင်ႇဝဵင်းၽႂ်မၼ်းၵေႃႈ သွင်လိူၼ်၊ သၢမ်လိူၼ်၊ သီႇလိူၼ် ၼိုင်ႈပွၵ်ႈ ဢွၼ်ၵၼ်ႁဵတ်း ပၢင်ႁူပ်ႉထူပ်းမေႃသွၼ်ႁူင်းႁဵၼ်းထမ်ႇမ တူင်ႇဝဵင်းၽႂ်မၼ်းၵႂႃႇ ယူႇ။ ၼင်ႇႁိုဝ်ၸၢဝ်းၶိိူဝ်းပုတ်ႉထၽႃႇသႃႇႁဝ်းၶဝ် ပေႃးတေလႆႈလဵပ်ႈႁဵၼ်းႁုႁၼ် ပိုၼ်းၽြႃး ပဵၼ်ၸဝ်ႈလႆႈငၢႆႈၼၼ်ႉ ပီ 2016 ၸဝ်ႈသြႃႇသုၶမ်း ပၼ်တၢင်းႁၼ်ထိုင်သေ ၵေႃပွင် ၵၢၼ်ႁူင်းႁဵၼ်းထမ်ႇမၸိုင်ႈတႆး ဢွၵ်ႇပၼ်တိုၼ်းလၢင်းသေယဝ်ႉ ႁဵတ်းဢွၵ်ႇၶႅပ်းပိုၼ်း ပုတ်ႉထၸဝ်ႈ ဢၼ်လၢတ်ႈၵႂၢမ်းတႆးၼၼ်ႉယဝ်ႉ။ ႁူင်းႁဵၼ်းထမ်ႇမၼႆႉ တင်ႈတႄႇမီးမႃးတီႈမိူင်းသီႇႁူဝ်ႇ(သီႇရိလင်ႇၵႃႇ) ဢွၼ်တၢင်း ပိူၼ်ႈသေ မိူဝ်ႈလဵဝ်ၼႆတႄႉ ယွၼ်ႉပိူဝ်ႈၵူၼ်းတင်းလၢႆ လႆႈႁပ်ႉႁၼ်ၽွၼ်းလီမၼ်းတႄႉ လႄႈ ႁူင်းႁဵၼ်းထမ်ႇမဝၼ်းဢႃးတိတ်ႉၼႆႉ ၽႄႈၸွတ်ႇထိုင်ၵႂႃႇတီႈမိူင်းမလေးသျႃး၊ မိူင်း ၸိင်ႇၵပူႇ၊ မိူင်းထႆး၊ မိူင်းၵမ်ႇပေႃးတိးယႃး၊ မိူင်းလၢဝ်း၊ သေဢမ်ႇၵႃး ႁွတ်ႈၸွတ်ႇထိုင်ပႃး တီႈၼႂ်းၵုၼ်ယူႇရုပ်ႉ၊ ယူႇဢႅတ်ႉဢေႇလႄႈ မိူင်းဢေႃးၸတေးရီးယႃးၸိူဝ်းၼႆႉၵႂႃႇယဝ်ႉ။ တီႈၼႂ်းပီ 2011 ၼၼ်ႉ တီႈၼႂ်းမိူင်းမၢၼ်ႈၵေႃႈ လႆႈႁၼ်သင်ႇၶႃႈလႄႈ တၵႃႇႁူမ်ႈပိုတ်ႇ သွၼ်မႃးယဝ်ႉ။ တီႈၼႂ်းမိူင်းတႆးႁဝ်းတႄႉ လႆႈႁၼ်မိူၼ်ၼင်ႇသဵၼ်ႈမၢႆ ဢၼ်ပႃးမႃးတီႈတႂ်ႈ ၸိူဝ်းၼႆႉယဝ်ႉ။

သဵၼ်ႈမၢႆႁူင်းႁဵၼ်းထမ်ႇမ ဢၼ်ပိုတ်ႇယဝ်ႉၼႂ်းမိူင်းတႆး၊ မိူင်းယၢင်းလႅင်၊ မိူင်းၶၢင်

သဵၼ်ႈမၢႆဢၼ်တႅမ်ႈမႃးပႃႈၼိူဝ်ၸိူဝ်းၼႆႉ ပဵၼ်တီႈဢၼ်ပိုတ်ႇယဝ်ႉတူဝ်ႈၵႂႃႇ လီငၢမ်းၼၼ်ႉယဝ်ႉ၊ မၢင်တီႈၵေႃႈ ယွၼ်ႉလွင်ႈတၢင်းလၢႆဢၼ်လၢႆလွင်ႈသေ လႆႈၵိုတ်း လိုဝ်ႈဝႆႉၵေႃႈမီးယူႇ။ မၢင်တီႈၵေႃႈ ယွၼ်ႉသဵၼ်ႈမၢႆမၼ်း ဢမ်ႇလႆႈႁွတ်ႈမႃးလႄႈ ဢမ်ႇ လႆႈသႂ်ႇဝႆႉ။

ႁဵင်းလိၵ်ႈတီႈၵပ်းသိုပ်ႇ

	လုမ်း(ငဝ်ႈငုၼ်း)ၵေႃပွင်ၵၢၼ်ႁူင်းႁဵၼ်းထမ်ႇမၸိုင်ႈတႆး
	တိူၵ်ႈသွၼ်လိၵ်ႈဝတ်ႉဝေႇလုဝၼ်ႇ ပွၵ်ႉပႃႇမႆႉ ဝဵင်းတူၼ်ႈတီး
	ၽူၼ်း-0989481872 / 09765214770
	ၼၢငေူႉႄႆၺေိႆေၢၢၶေႄႆဝဝူ2014ꧢွၢငေူႉၶဝၢ

လုမ်း(ၵေႃၽႄ)ၵေႃပွင်ၵၢၼ်ႁူင်းႁဵၼ်းထမ်ႇမၸိုင်ႈတႆး ဝတ်ႉႁူမ်ႈယဵၼ်သႃႇသၼႃႇ ပွၵ်ႉ(8)ဝဵင်းလႃႈသဵဝ်ႈ

ၽူၼ်း-09259397577 / 09452415985

ၽူႈတႅမ်ႈတၢင်ႇၽိုၼ်

ၸဝ်ႈၶူးသီရိထမ်ႇမႃႇၽိပႃႇလ

ၽူႈမၢႆၵူႈလွင်ႈလွင်ႈ

ၵေႃပွင်ၵၢၼ်ႁူင်းႁဵၼ်းထမ်ႇမၸိုင်ႈတႆး

21/9/2018