ၸဝ်ႈသြႃႇ ဢိၼ်တၵ ဢၼုၼႃႇယၵ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး၊ ၵျွင်းႁူဝ်ၼမ်ႉ ဝဵင်းသီႇပေႃႉ
ၸဝ်ႈသြႃႇၼႆႉ ၵိူတ်ႇမႃးမိူဝ်ႈပီ 1270 ၼီႈ၊ လိူၼ်ပႅတ်ႇမႂ်ႇ 5 ၶမ်ႈ ဝၼ်းၸၼ် တီႈဝၢၼ်ႈၽၵ်းတူပ်း၊ ဢိူင်ႇပုင်ႇဝူဝ်း ဝဵင်းသီႇပေႃႉ၊ ၸိုဝ်ႈပေႃႈမႄႈဝႃႈ လုင်းၶမ်းသွၼ်း+ၼၢႆးၶမ်းၸိင်ႇ၊ ၸိုဝ်ႈမိူဝ်ႈလဵၵ်ႉႁွင်ႉဝႃႈ ၸၢႆးဢွင်ႇပၢၼ်း။
မၼ်းၸဝ်ႈ ပဵၼ်သၢင်ႇ မိူဝ်ႈပီ 1277 ၼီႈ ပဵၼ်ၸၢင်း မိူဝ်ႈ 1289 ၼီႈ၊ ယၢမ်ႈလႆႈသွၼ်ႁဵၼ်းမႃး တီႈၵျွင်းသူၺ်ႇတႃး ဝဵင်းသီႇပေႃႉ တီႈၵျွင်းႁူဝ်ဝဵင်း ဝဵင်းပလူႇ ၸေႈဝဵင်းသူၺ်ႇပူဝ်ႇ။
-
ပီ 1299 ၼီႈ ၶိုၼ်းမႃးယူႇတီႈၸဝ်ႈသြႃႇၼၼ်ႇတိယ ၵျွင်းၶမ်း ဝဵင်းသီႇပေႃႉသေ ပူင်သွၼ်ပၼ် လိၵ်ႈ ၊ ပီ 1301 ၼီႈ ၼင်ႈၵျွင်းႁူဝ်ၼမ်ႉတွင်ႇထဵၵ်ႉ ဢိူင်ႇပုင်ႇဝူဝ်း၊ ပီ 1302 ၼီႈ ၼင်ႈၵျွင်းႁူဝ်ၼမ်ႉ ဝဵင်းသီႇပေႃႉ။
-
ပီ 1320 ၼီႈ ပဵၼ်ၵမ်ႉႁူဝ်ပဝ်ႈ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး။
-
ပီ 1326 ၼီႈ လႆႈပဵၼ်ၸဝ်ႈငမ်းပၢႆးလူင် မိူင်းသီႇပေႃႉ။
-
ပီ 1333 ၼီႈ လႆႈပဵၼ်ဢၼုၼႃႇယၵ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး။
-
ပီ 1339 ၼီႈ လိူၼ်ၸဵင်မူၼ်း မႃးၼင်ႈတီႈဝတ်ႉပိတၵၢတ်ႈ ဝဵင်းပၢင်လူင်။
သြႃႇၸဝ်ႈလူင်ၼႆႉ ၶတ်းၸႂ်ႁဵတ်းၵၢၼ် ၸိူဝ်ႉၶိူဝ်းၽႃႇသႃႇ သႃႇသၼႃႇ တင်းၼမ်တင်းလၢႆသေ ထိုင်မႃးပီ 1339 ၼီႈ၊ လိူၼ်သိပ်းဢဵတ်းမႂ်ႇ. 5 ၶမ်ႈ ဝၼ်းၸၼ် ပီၶရဵတ်ႉ 1977 ၼီႈ၊ လိူၼ် ဢွၵ်ႉထူဝ်းပိူဝ်ႇ 17 ဝၼ်း၊ ၶၢဝ်းယၢမ်း 11 မူင်းၶိုင်ႈ ၵၢင်ဝၼ်းၼၼ်ႉ လႆႈႁပ်ႉမိူင်းၾႃႉ ယႃႇမိူင်းလုမ်ႈ တီႈႁူင်းယႃ ၸဝ်ႈၸၢမ်ႇထုၼ်း ဝဵင်းတွင်ႇၵျီးၼၼ်ႉယဝ်ႉ။