ၸဝ်ႈပိုတ်ႇၼႃႈပိုၼ်းပိတၵၢတ်ႈတႆး ၸဝ်ႈသြႃႇလူင် ပၺ်ၺႃၽေႃၵ မႁႃၼႃယၵ

ၸဝ်ႈသြႃႇလူင် ပၺ်ၺႃၽေႃၵ

သြႃႇၸဝ်ႈလူင်ပၺ်ၺႃၽေႃးၵၼႆႉ ၵိူတ်ႇမႃးမိူဝ်ႈပီၵေႃးၸႃႇ 1254-ၼီႈ၊ လိူၼ်သီႇလွင်ႈ (1)ၶမ်ႈ၊ ဝၼ်းၽတ်း၊ ယၢမ်းၵၢင်ၼႂ်(9:30)မွင်း၊ တီႈဝၢၼ်ႈပႃႇၵႄႇ၊ ဢိူင်ႇမိူင်းၶၢင်၊ ၸေႈဝဵင်းမိူင်းသူႈ၊ ၶဝ်ႈပဵၼ်လုၵ်ႈ ၸၢႆး လုင်းၶမ်းယွတ်ႈ+ပႃႈၼၢင်းၶမ်း။ ၸိုဝ်ႈမိူဝ်းလဵၵ်ႉႁွင်ႉ ၸၢႆးပၢၼ်းၸိင်ႇ။

ပီ1268-ၼီႈၼၼ်ႉ ပေႃႈမႄႈ ဢဝ်မိူဝ်းယူႇၵျွင်းသေ ပီ 1270-ၼီႈၼၼ်ႉ ၶိုၼ်ႈသၢင်ႇ တၢင်ႇၸိုဝ်ႈဝႃႈ ၸဝ်ႈပၺ်ၺႃၽေႃးၵ တၼ်ႈတီႈၸဝ်ႈသြႃႇလူင်ၽၵ်းၵျီး၊ ဢိူင်ႇမိူင်းၶၢင်ယဝ်ႉ။

ပီ1274-ၼီႈ၊ လိူၼ်သၢမ်မႂ်ႇ(7)ၶမ်ႈၼၼ်ႉ ၶိုၼ်ႈပဵၼ်ၸၢင်း တီႈၸဝ်ႈသြႃႇလူင်ၵျွင်းပႃတႅပ်းၼႂ်းသိမ်ႇ ၵျွင်းဝၢၼ်ႈယူၵ်ႇ၊ ဝဵင်းၵျေးသီး။ ပူႇလွႆမၢၼ်ႇသႅင်+ၼၢႆးလွႆမၢၼ်ႇသႅင်၊ ၼၢင်းသႅင်သူၺ်ႇၶဝ် ႁဵတ်းပဵၼ်တၵႃႇ ၸဝ်ႈယဝ်ႉ။ မၼ်းၸဝ်ႈ ယၢမ်ႈသွၼ်ႁဵၼ်းမႃး တီႈၵျွင်းၽၵ်းၵီး မိူင်ႈသူႈ၊ ၵျွင်းယွတ်ႈ ၵျွၵ်ႉမႄး၊ ၵျွင်းဝၢၼ်ႇၶႃႇ ၵျွၵ်ႉမႄး ၊ ၵျွင်းယမေးတိၼ်း ဝဵင်းလိူဝ်ႇ၊ တိူၵ်ႈ ဝိသုတ်ႉထႃႇရူင်ႇ ဝဵင်းလိူဝ်ႇ၊ ၵျွင်းၵႅၵ်ႉၵသၢၼ်ႇ ဝဵင်းတႃႈၵုင်ႈ၊ ၵျွင်းပုပ်ႉပႃႇရုင်ႇ ဝဵင်းပႃႇၵိူဝ် လႄႈ တႄႇဢဝ်ပီ 1289-ၼီႈ တေႃႇ1293-ၼီႈၼၼ်ႉ ၵႅၼ်ႇၸဝ်ႈၵႂႃႇဝႆႈၽြႃး တီႈမၸ်ႉသိမတေႇသ မိူင်းဢိၼ်ႇတီးယႃးသေ သိုပ်ႇပူၼ်ႉၵႂႃႇ သွၼ်ဢဝ်လိၵ်ႈပႃႇလိ၊ သၵ်ႉၵထ၊ မႃႇၵထ၊ ႁိၼ်ႇတူႇ လႄႈ ဢင်းၵိတ်း ဝဵင်းၵူဝ်ႇလမ်ႇပူင်ႇ မိူင်းသီႇႁူဝ်ႇ ၸိူဝ်းၼႆႉယဝ်ႉ။

ၸိုဝ်ႈၸုမ်ႈဢၼ်လူႇတၢၼ်းၸဝ်ႈသြႃႇလူင်

  • 1။ ပီၵေႃးၸႃႇ 1287-ၼီႈ ၸဝ်ႈၾႃႉသီႇပေႃႉၸဝ်ႈၶုၼ်ၶျေႇ ၼွပ်ႇဢၢပ်ႈလူႇတၢၼ်းၸုမ်ႈ ပၺႃၽေႃၵ ၵၼဝႃၸၵ ထမ်မရႃၸၵုရု
  • 2။ ပီ1295-ၼီႈ ၸဝ်ႈၾႃႉမိူင်းသူႈ ၼွပ်ႇဢၢပ်ႈၸုမ်ႈ သူၺ်ႇၵျိၼ်ႇၼိၵႃယ မႁႃၼႃယၵ ရႃၸၵုရု
  • 3။ ပီ 1301-ၼီႈ ၸဝ်ႈသြႃႇလူင်ၵိူင်းသူၺ်ႇၵျိၼ်ႇ ပၼ်ၸုမ်ႈ သျၢၼ်းပျီႇၼႄႇတွင်ႇပႅင်း ပုတ်ႉထ သႃသၼႃပျူႉ ၵၼဝႃၸၵ ထမ်မၵထိၵ
  • 4။ ပီ 1318-ၼီႈ ၸွမ်ပွင်ၸိုဝ်ႈမိူင်းမၢၼ်ႈ တွင်ႇတႃႇပဢူး ၼွပ်ႇဢၢပ်ႈၸုမ်ႈ သတ်ထသင်ၵီတိ ဢေႃဝႃတႃ သင်ၶၼႃယၵ
  • 5။ ပီ 1319-ၼီႈ သင်ႇၶၸိုင်ႈတႆးပတ်ႉပိုၼ်ႉ ယုၵ်ႉယွင်ႈၸဝ်ႈၶိုၼ်ႈပဵၼ် မႁႃႇၼႃယၵလူင် ငဝ်ႈငုၼ်း မုၵ်ႉၸုမ်းလူင်သင်ႇၶၸိုင်ႈတႆး

ၼႃႈၵၢၼ်သႃႇသၼႃႇ

  • ပီ 1319-ၼီႈၼၼ်ႉ ဢွၼ်ႁူဝ်သင်ႇၶ ပိၼ်ႇပိတၵၢတ်ႈၽႄတႆး ယဝ်ႉၵႂႃႇ 35 ပပ်ႉ။

  • ပီ 1320-ၼီႈ လိူၼ်သိပ်းသွင်မႂ်ႇ (8)ၶမ်ႈၼၼ်ႉ မႃးၼင်ႈၵျွင်းပိတၵၢတ်ႈ ဝဵင်းပၢင်လူင်သေ သိုပ်ႇပိၼ်ႇပိတၵၢတ်ႈၸဝ်ႈလႄႈ ယဝ်ႉတူဝ်ႈၵႂႃႇ မိူဝ်ႈ ပီ1321-ၼီႈ။

  • တူၺ်းႁၼ်ထိုင် ပုၼ်ႈတႃႇသႃႇသၼႃႇ တေႁိူဝ်ႈႁိူင်းပိူင်းသႂ် ၽေႈတိူၼ်းယိုၼ်းယၢဝ်းၵႂႃႇ မိူဝ်းၼႃႈ သေ ဝတ်ႉပိတၵၢတ်ႈၼၼ်ႉ မၼ်းၸဝ်ႈၽုၺ်ႇပဵၼ်တိူၵ်ႈသွၼ် လိၵ်ႈပရိယၢတ်ႈၵႂႃႇသေ ႁဵတ်းသၢင်ႈပၢင်ပွႆး ၶူၼ်ႉၶႆႈ/တႅမ်ႈတွပ်ႇလိၵ်ႈ ပရိယတ်ႉတိသတ်ႉထမ်မပႃလၵႅၼ်ႇၸဝ်ႈၸိုင်ႈတႆး မႃးဝႆႉပၼ်ယဝ်ႉ။

သြႃႇၸဝ်ႈလူင် မိူင်းသူႈၼႆႉ ႁဵတ်းၼႆႁၢပ်ႇၵၢၼ်သႃႇသၼႃႇသေ ပဵၼ်ၸဝ်ႈဢၼ်မီးၽုင်းၵၢမ်ႇပႃႇရမီႇယႂ်ႇ၊ မီးဢူငဝ်း ဝိနယဂရုက လဇ္ဇီ ပေသလ သိက္ခာကာမ ကန္ထန္ထရ ဗဟုသစ္စ ၸိူဝ်းၼႆႉ တဵမ်ထူၼ်ႈၸဝ်ႈၼိုင်ႈယဝ်ႉ။

ထိုင်မႃးပီ 1333-ၼီႈ လိူၼ်သိပ်းဢဵတ်းလွင်ႈ(14)ၶမ်ႈ၊ ဢႃႇယုၸဝ်ႈလႆႈ (79) ပီ၊ ဝႃႇၸဝ်ႈလႆႈ (59)ဝႃႇ ၼၼ်ႉ လႆႈႁပ်ႉမိူင်းၾႃႉ ယႃႇမိူင်းလုမ်ႈ တီႈႁူင်းယႃမျႃႉရတၼႃႇ၊ တီႈတႃႈၵုင်ႈ ၼၼ်ႉယဝ်ႉ။

ၸိူဝ်းပဵၼ်လုၵ်ႈၼွင်ႉတင်းလၢႆၵေႃႈ ပၢင်းဢဝ်ၶၢပ်ႈတူဝ်ၸဝ်ႈ မႃးၶိုၼ်းပၢင်လူင်သေ ႁဵတ်းပွႆးလုမ်းလႃး သၢင်းၵျူဝ်ႇၵႂႃႇ မိူဝ်ႈပီ 1334-ၼီႈ ၊ လိူၼ်သီႇမႂ်ႇ (11)ၶမ်ႈ ၼၼ်ႉယဝ်ႉ၊ ၼင်ႇႁိုဝ် ႁႂ်ႈပေႃးပဵၼ်တီႈ မၢႆတွင်းၵိုမ်း ၼပ်ႉယမ် ဝႆႈသႃၼၼ်ႉ ဢဝ်ထၢတ်ႈလုပ်ႇၸဝ်ႈတႄႇတင်ႈဝႆႉပဵၼ် ၵွင်းမူးလူင်မႁႃႇၼႃႇယၵ တီႈၵျွင်းပိတၵၢတ်ႈ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး ဝဵင်းပၢင်လူင် ၼၼ်ႉယူႇယဝ်ႉ။

ပပ်ႉလိၵ်ႈ ၸဝ်ႈလူင်ပၺႃၽေႃၵ တႅမ်ႈဝႆႉ

    1. ပႃႇလိပၵုၼ
    1. ၽိၵ်ႉၶုပႃတိမွၵ်ႈ ၽႄတႆး
    1. ၵတ်ႈၸေးသတ်ႉတႃႇသုၵ်ႈၼၢၵ်ႈၽေတႆး
    1. ငဝ်ႈတေႇသၢင်းၵျူဝ်ႇ ၽႄတႆး
    1. ၶုတ်ႉထသိၵ်ႈၶႃႇၽႄတႆး
    1. မူႇလသိၵ်ႈၶႃႇၽၢႆႇတႆး
    1. ၵမ်ႇပေႃးၸႁိတရႃႇသိႇၵျၢမ်း
    1. ၸဝ်ႈသၢင်ႇတိုဝ်းၵမ်
    1. ဢွၼ်ႁူဝ်ၼၢမ်းၼႃႈ ပိၼ်ႇပိတၵၢတ်ႈ သၢမ်ၵွင်ၽႄတႆး 35 ပပ်ႉ။