ၸဝ်ႈသြႃႇဢၵ်ႉၵသေႇၼ ဝတ်ႉဢွင်ႇမင်ႇၵလႃႇ ၵုၼ်ႁဵင်

တီႈၵိူတ်ႇ

ဝၢၼ်ႈၵူတ်ႉပုင်ႇ၊ ဢိူင်ႇဝၢၼ်ႈလဝ်း၊ ၸေႈဝဵင်း ၵုၼ်ႁဵင်

ၸိုဝ်ႈပေႃႈမႄႈ

လုင်းၸရေးလၢႆးသႅင်+ပႃႈၼၢင်းဢွၼ်ႇ

ပီၵိူတ်ႇ

1300 လိူၼ်သီႇမႂ်ႇႁႃႈၶမ်ႈ၊ ဝၼ်းဢင်းၵၢၼ်း

ၸိုဝ်ႈမိူဝ်ႈလဵၵ်ႉ

ၸၢႆးဢွၼ်ႇ

ပဵၼ်သၢင်ႇ

ပီ 1312 ၼီႈ၊ မိူဝ်ႈဢႃႇယုလႆႈ 12 ၶူပ်ႇၼၼ်ႉ ၶိုၼ်ႈႁဵတ်းၵပ်ႉပီႇတီႈၵျွင်းထမ်ႈၶူင်ႈ၊ ဝၢၼ်ႈၵၢင်၊ ဢိူင်ႇလွႆၵႅင်ႈ၊ ဝဵင်းၵဵင်းၶမ်း။ ၼႂ်းပီၼၼ်ႉၼင်ႇၵဝ်ႇ ပေႃႈမႄႈသွင်ၸဝ်ႈ ႁဵတ်းတၵႃႇသေ ၸဝ်ႈသြႃႇလူင်ဢေႃၽႃသ ဢဝ်ၼုင်ႈပၼ်သၢင်ႇယူႇယဝ်ႉ။

ပဵၼ်ၸၢင်း

1320 ၼီႈ လိူၼ်သီႇမႂ်ႇႁႃႈၶမ်ႈ၊ သြႃႇၸဝ်ႈလူင် ဢိၼ်ႇတၵ ႁဵတ်းဢုပတ်ႉၸေႇသေ လုင်းၸၢင်းလူႇ+ ပႃႈၸၢင်းသူၺ်ႇ ႁဵတ်းတၵႃႇပတ်ၸေး သီႇပိူင်သေယဝ်ႉ ၶိုၼ်ႈပဵၼ် ၸၢင်းတီႈၼႂ်းသိမ်ႇ၊ ၵျွင်းထမ်ႈၶူင်း ဢိူင်ႇလွႆၵႅင်း၊ ဝဵင်းၵဵင်းၶမ်း။

ႁဵၼ်းလိၵ်ႈ

မိူဝ်ႈ 1322 ၼီႈဢႃႇယုလႆႈ 22 ဢွၵ်ႇႁဵၼ်းဢဝ်လိၵ်ႈ တီႈၸဝ်ႈတူၼ်ႈၶူးလူင် ဢူးပၺ်ၺႃႇၽေႃၵ (မိူင်းသူႈ) ႁိုင်ႁႃႈပီ ပူၼ်ႉၸၼ်ႉ မူႇလ ပထမ တုတိယ လႄႈ တတိယသေ သိုပ်ႇႁဵၼ်းဢဝ်ထႅင်ႈ သတ်ႉတႃႇသင်ၵႁ ဝိၼယ မႃတိၵႃႇ ၸိူဝ်းၼႆႉ သုတ်းသဵင်ႈသေယဝ်ႉၵႂႃႇ သိုပ်ႇႁဵၼ်းဢဝ် ပၺ်ၺႃႇတီႈဢၽႃယရႃႇမ ၸိင်ႇပၢၼ်း မၼ်းတလေး ပွတ်တူၵ်းႁိုင်သွင်ပီ။

ၼႃႈၵၢၼ်သႃႇသၼႃႇ

မိူဝ်ႈ 1329 ၼီႈ လႆႈမႃးပုတ်ႈဢဝ်ပုၼ်ႈၽွၼ်း တီႈၸဝ်ႈသြႃႇလူင် မႁႃႇၸေႇယ တီႈၵျွင်းဝဵင်းၼၢင်း မိူဝ်ႈပီ 1331 ၼီႈ ပူၵ်းတင်ႈဝတ်ႉမႂ်ႇ ဝတ်ႉဢွင်ႇမင်ႇၵလႃႇ တီႈႁဵတ်းပၢင်တႅမ်ႈတွပ်ႇလိၵ်ႈ ပရိယတ်တိသတ်ထမ်ႇမ ပႃႇလ ၵႅၼ်ႇၸဝ်ႈ။ မၼ်းၸဝ်ႈလႆႈထၢမ်းၵၢၼ် ပရိယတ်ႈမႃး ၶၢဝ်းတၢင်း 30 ပီ။ ထိုင်မႃးပီ 1363 ၼီႈ လူင်ပွင်ၸိုင်ႈ မိူင်းမၢၼ်ႈ ၼွပ်ႈဢၢပ်ႈပၼ်ၸုမ်ႈ (သတ်ႉထမ်ႇမၸေႃးတိၵထၸ)။