ၸဝ်ႈသြႃႇလူင် မုၼိၼ်ႇတ ဢၷ်ၷမႁႃပꧣ်တိတ တိူၵ်ႈသွၼ်လိၵ်ႈ ၵျွင်းၵၢင်မိူင်း၊ ဝဵင်းလႃႈသဵဝ်ႈ
သြႃႇၸဝ်ႈလူင်ၼႆႉ ၸႃႇတိ ဝၢၼ်ႈႁၢတ်ႇၵႃ ဝဵင်းလႃႈသဵဝ်ႈ၊ ၸိုဝ်ႈပေႃႈ ပူႇလွႆသႅင်ၸိုၼ်ႈၸၢမ်ႇ ၸိုဝ်ႈမႄႈ ဢွၵ်ႇလွႆသွႆႈငိုၼ်းသႅင်၊ ၵိူတ်ႇမႃး မိူဝ်ႈပီၵေႃးၸႃႇ 1293 ၼီႈ၊ ပီတႆး 2036 လိူၼ်ႁူၵ်းလွင်ႈ 1-ၶမ်ႈ ဝၼ်းၽတ်း၊ ၸိုဝ်ႈမိူဝ်ႈလဵၵ်ႉႁွင်ႉ ၸၢႆးမွင်ႇဢေး၊ မၼ်းၸဝ်ႈ ပဵၼ်သၢင်ႇ မိူဝ်ႈပီ 1307-ၼီႈ၊ ပဵၼ်ၸၢင်း မိူဝ်ႈ 1313-ၼီႈ။
မၼ်းၸဝ်ႈ ယၢမ်ႈႁဵၼ်းသွၼ်ဢဝ်တၢင်းမေႃ တီႈဝိႁၢၼ်ႇၵၢင်မိူင်း ဝဵင်းလႃႈသဵဝ်ႈ၊ တီႈၸဝ်ႈသြႃႇ ဢေႃႇလေႃးၵ ဝိႁၢၼ်ႇမင်ႇၵလႃႇယူင်ႇ ၵၢင်ဝဵင်း သႅၼ်ဝီ၊ သြႃႇၸဝ်ႈပႃႇရၼသီႇ ဢၼၼ်ႇတႃႇပၼ်ႇတိတ (ဢၽိꩪၸမႁႃႇရတ်ႉထၵုရု) လႄႈ ၶူးသွၼ် ၸဝ်ႈဝိၸယႃႇၼၼ်ႇတ တိူၵ်ႈသွၼ်လိၵ်ႈမႁႃႇဝိသုတ်ႉထႃႇရုင်ႇ ဝဵင်းလိူဝ်ႇ လႄႈ သြႃႇၸဝ်ႈဢေႃးၽႃႇသ ၵျွင်းပိတၵၢတ်ႈ ထမ်ႇမသုၶ ပႁၢၼ်း တႃႈၵုင်ႈ။
မၼ်းၸဝ်ႈ လႆႈၽေႈၵၢၼ်သႃႇသၼႃႇ သူင်ႇသင်ႇၶၼင်ႈၵျွင်း
- သြႃႇၸဝ်ႈၼၼ်ႇတႃႇသီႇရိ ၼၢမ်းၼႃးသင်ႇၶ (80)သေ တီႈယူႇတီႈၸေႇယမင်ႇၵလႃႇ ဝိႁၢၼ်ႇ တႃႈပုင်ႇ၊ ဝဵင်းလႃႈသဵဝ်ႈ။
- သြႃႇၸဝ်ႈၽတ်ႉတၼ်ႇတပၼ်ႇတိတ ၼၢမ်းၼႃႈသင်ႇၶ ၸဝ်ႈ(50)သေ မီးယူႇတီႈဝိႁၢၼ်ႇသီႇရိ မင်ႇၵလႃႇဝၢၼ်ႈသူႈ ပွၵ်ႉ-12 ဝဵင်းလႃႈသဵဝ်ႈ။
- သြႃႇၸဝ်ႈၽတ်ႉတၼ်ႇတၵေႃးလိယ ၼၢမ်းၼႃႈသင်ႇၶၸဝ်ႈ (40)သေ မီးယူႇတီႈဝိႁၢၼ်ႇ မိူင်းတဵမ်။
- သြႃႇၸဝ်ႈဢရိယဝံသ ၵျွင်းလွႆၵၢင်မိူင်း 2500 ဢၽယႃႇရႃႇၼ ဝဵင်းလႃႈသဵဝ်ႈ။
- သြႃႇၸဝ်ႈပုၺဝံသ ၵျွင်းဢွင်ႇရတၼႃႇပုင်လူင်လေႃႉ ပွၵ်ႉ-7 ဝဵင်းလႃႈသဵဝ်ႈ။
- သြႃႇၸဝ်ႈပၼ်ႇတိတ ၵျွင်းတွင်ၼဝ်ႈ။
- သြႃႇၸဝ်ႈပၺ်ၺႃႇဝံသ ဝတ်ႉတႆးလႅင်း တိူၵ်ႈပွၵ်ႉမႅင်ႇ၊ ဝဵင်းလိူဝ်ႇ။
1။ ၵျွင်းဝၢၼ်ႈၵွင်း ပွၵ်ႉ-5 ဝဵင်းလႃႈသဵဝ်ႈ၊ 2။ ၵျွင်းသူၺ်ႇလီႇမၢဝ်းၶမ်း ပွၵ်ႉ-6 ဝဵင်းလႃႈသဵဝ်ႈ၊ 3။ ၵျွင်းထမ်ႈၶမ်း ပွၵ်ႉ-10 ဝဵင်းလႃႈသဵဝ်ႈ။
ယွၼ်ႉမိူဝ်ႈၵုင်ႇမုၼ်ၼမ်ႉၸႂ် ၸဝ်ႈႁတ်းႁၢၼ်ၵႅၼ်ႇၶႅင် မၼ်ႈၵိုမ်းၼႆလႄႈ မိူဝ်ႈပၢၼ်ပတေႇ သရႃႇၸႃႇ ၸဝ်ႈၶမ်းႁူမ်ႇ မိူင်းၶမ်းသႅၼ်ဝီ ယုၵ်ႉယွင်ႈပူႇၸေႃႇလူႇတၢၼ်းၸုမ်ႈၸဝ်ႈ(ၵႅမ်ၵႂၢၼ်းဝၢႆး ၵႅမ်ငၢမ်းပၢႆး) ယူႇယဝ်ႉ၊ ဝၢႆးၼၼ်ႉ ၵၢပ်ႈပၢၼ်ဝၢၼ်ႈမိူင်းလႅၵ်ႈလၢႆႈၵေႃႈ ၵုင်ႇမုၼ်ဝိသေႇသၸဝ်ႈႁဝ်း ဢမ်ႇ လႅၵ်ႈလၢႆႈမီးမႃးတေႃႇထိုင်မိူဝ်ႈလဵဝ်ၼႆႉသေ ဢမ်ႇၵႃးထိုင်မႃး ဝၢၼ်ႈမိူင်းၽွမ်ႉၵၼ်ၼႆၵေႃႈ ၸဝ်ႈႁဝ်းႁပ်ႉဢဝ် ပုၼ်ႈၽွၼ်း ငဝ်ႈငုၼ်းသင်ႇၶၼႃႇယၵ ၸိုင်ႈမိူင်ႈႁၢၼ်ႉတေႃႇထိုင် ယၢမ်ႈလဵဝ်ယူႇယဝ်ႉ။