ၸဝ်ႈသြႃႇလူင် Dr. ပၺ်ၺႃၼၼ်ၻ (ဢၷ်ၷမႁႃၷၼ်ထဝႃၸၵပၼ်တိတ)

ႁူဝ်ပဝ်ႈလူင် မၢႆ (6) ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး ဝတ်ႉထၢတ်ႈတေႃႇ၊ ဝဵင်းလွႆလႅမ်

ၸဝ်ႈသြႃႇပၺ်ႇၺႃႇၼၼ်ႇတၼႆႉ ၵိူတ်ႇမႃးမိူဝ်ႈပီ 1313 ၼီႈ၊ လိူၼ်ႁူၵ်းမႂ်ႇ 5 ၶမ်ႈ၊ ဝၼ်းၽတ်း၊ 10-5-51 တီႈဝၢၼ်ႈၵျီႇတေႃႇ၊ ဢိူင်ႇၼမ်ႉၶူၵ်ႉ၊ ထုင်ႉပဵင်း ၸေႈဝဵင်းႁူဝ်ပူင်း။ ပေႃႈၸဝ်ႈၸိုဝ်ႈဝႃႈ လုင်းထုၼ်း မႄႈၸဝ်ႈၸိုဝ်ႈဝႃႈ ပႃႈလွတ်ႈ ၼႆယဝ်ႉ။ မၼ်းၸဝ်ႈ ပဵၼ်သၢင်ႇမိူဝ်ႈ 1323 ၼီႈ၊ ပဵၼ်ၸၢင်းမိူဝ်ႈပီ 1333 ၼီႈ၊ ယၢမ်ႈသွၼ်ဢဝ်လိၵ်ႈ မႃးတီႈ ၵျွင်းၼမ်ႉၶူၵ်ႉ၊ ၵျွင်းၵုင်းသႃႇ ဝဵင်းတူၼ်ႈတီး၊ ၵျွင်းသူၺ်ႇၵူႇ ဝဵင်းယွင်ႈႁူၺ်ႇ ၸိူဝ်းၼႆႉယဝ်ႉ။

ၸဝ်ႈသြႃႇၼႆႉ ၶတ်းၸႂ်လိၵ်ႈလၢႆး ပၢႆပေႇတႄႉတႄႉလႄႈ လႆႈဢွင်ႇပူၼ်ႉ ၸၼ်ႉၶူးသွၼ်လူင်ပွင်ၸိုင်ႈ၊ ၸၼ်ႉၶူးသွၼ် ဝဵင်းပၢင်လူင် ၸိူဝ်းၼႆႉယဝ်ႉ။

ၸဝ်ႈသြႃႇၼႆႉ လႆႈတၢင်းတၵႃႇၶဝ် ၽိတ်ႈပၢင်းသေ မႃးပဵၼ်မုၼ်ၸဝ်ႈၼင်ႈၵျွင်း ၵျွင်းထၢတ်ႈတေႃႇ ဝဵင်းလွႆလႅမ်သေ ၶတ်းၸႂ်သွၼ်ပၼ်လိၵ်ႈလၢႆးပၢႆပေႇ ၸဝ်ႈႁဵၼ်းလိၵ်ႈၶဝ်လႄႈ မီးႁိၵ်ႈၵုင်ႇ သီႇလ သမႃႇထိ ပၺႃႇလီငၢမ်းလႄႈ လူင်ပွင်ၸိုင်ႈ မိူင်းႁူမ်ႈတုမ်ၵၢပ်ႈပၼ် ၸိုဝ်ႈၸုမ်ႈ မႁႃၵၼ်ထဝႃၸၵပၼ်တိတ လႄႈ ဢၵ်ၵမႁႃၵၼ်ထဝႃၸၵပၼ်တိတ ဝႆႉယူႇယဝ်ႉ။ လိူဝ်သေၼၼ်ႉ ၸဝ်ႈသြႃႇၼႆႉ ပဵၼ်ႁူဝ်ပဝ်ႈလူင် ငဝ်ႈငုၼ်းမုၵ်ႉၸုမ်းလူင် သင်ႇၶႃႇၸိုင်ႈတႆး လႄႈ ၼႂ်းမိူင်းမၢၼ်ႈသမ်ႉ ပဵၼ်ၽူႈၶဝ်ႈၸုမ်း မႁႃၼႃယႃၵၸိုင်ႈမိူင်း ဝႆႉယူႇယဝ်ႉ။