ၸဝ်ႈသြႃႇလူင် ၵိတ်ႉတိသႃႇရ ထမ်ႇမၵထိၵ၊ ၵႅမ်ၽူႈမၢႆ မၢႆ(1)၊ ငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး၊ ၵျွင်းလူင် ဝဵင်းလၢင်းၶိူဝ်း

ၸဝ်ႈသြႃႇၼႆႉ ၵိူတ်ႇမႃးမိူဝ်ႈပီၵေႃးၸႃႇ 1292-ၼီႈ လိူၼ်ၸဵင်မႂ်ႇ 2 ၶမ်ႈ ဝၼ်းၸၼ် ပေႃႈၸဝ်ႈၸိုဝ်ႈ ဝႃႈ လုင်းၸၢင်းၶိူင်ႇ+မႄၸဝ်ႈၸိုဝ်ႈပႃႈၸၢင်းဢွင်ႇ၊ ဝၢၼ်ႈလူင် ဝဵင်းလၢင်းၶိူဝ်း၊ ၸိုဝ်ႈမိူဝ်ႈလဵၵ်ႉ ႁွင်ႉဝႃႈ ၸၢႆးထုၼ်းလႃႉ ၼႆယဝ်ႉ။

ပဵၼ်သၢင်ႇ မိူဝ်ႈပီ 1305-ၼီႈ ၊ပဵၼ်ၸၢင်း မိူဝ်ႈ 1312-ၼီႈ ယၢမ်ႈႁဵၼ်းလိၵ်ႈမႃး တီႈၵျွင်းဝႃႇသူဝ်ႇ လၢင်းၶိူဝ်း၊ ၵျွင်းပၢင်ဝွင်၊ ၵျွင်းမႁႃႇဝိႁႃႇရ လၢင်းၶိူဝ်း၊ ၵျွင်းမူႇလပထၢၼ်း ဝဵင်းတႃႈၵုင်ႈ။

    1. ပီ1319 ၼီႈ လႆႈပဵၼ် ၵႅမ်ၽူႈမၢႆ မုၵ်ႉၸုမ်းလူင်သင်ႇၶႃႈၸိုင်ႈတႆး ။
    1. လႆႈပဵၼ်ၽူႈၶဝ်ႈပႃးၸုမ်းပိၼ်ႇပိတၵၢတ်ႈတႆး တႄႇငဝ်ႈတေႃႇပၢႆသေ လႆႈႁပ်ႉတင်းယုၵ်ႉယွင်ႈ ပဵၼ်ႁူဝ်ပဝ်ႈ ၸုမ်းထမ်မၵထိၵ ၼႂ်းသင်ႇၶၸိုင်ႈတႆး။
    1. မိူဝ်ႈပိၼ်ႇပိတၵၢတ်ႈတႆးၼၼ်ႉ မၼ်းၸဝ်ႈပဵၼ်ၽူႈသူၼ်းတုမ်လူႇၶၢမ်ႇငိုၼ်း တႃႇပိၼ်ႇပိတၵၢတ်ႈ တႆး ႁွတ်ႈထိုင်မိူင်းမၢၼ်ႈ ဢၼ်မီးဝၢၼ်ႈတႆး၊ ႁွတ်ႈထိုင်မိူင်းတႆးပွတ်းႁွင်ႇ၊ ပွတ်းၸၢၼ်းပွတ်းၵၢင် ၵူႈတီႈယဝ်ႉ။
    1. မိူဝ်ႈၽွင်း မုၵ်ႉၸုမ်းသႃႇသၼႃႇၽႄႈတိူၼ်း မိူင်းႁူမ်ႈတုမ်မိူင်းမၢၼ်ႈ တႄႇတင်ႈ ၽွတ်ႈပဵၼ်ၵေႃမႃး ၼၼ်ႉ မၼ်းၸဝ်ႈလႆႈပဵၼ်ၽူႈတၢင်တူဝ်သင်ႇၶမိူင်းတႆး သင်ႇၶသမုတိၸဝ်ႈၼိုင်ႈသေ ၶိုၼ်ႈႁွတ်ႈ ပၢင်ၵုမ်လူင် ၵူႈတီႈၵူႈၸုမ်း တီႈၵမ်ႇၽႃႇဢေး၊ တႃႈၵုင်ႈ။
    1. ဝၢႆးသေဢႃႇယုၸဝ်ႈယႂ်ႇမႃးၼၼ်ႉ လႆႈႁပ်ႉတၢင်းယုၵ်ႉယွင်ႈ ၶိုၼ်ႈပဵၼ်ဢေႃးဝႃႇတႃႇၸရိယ ၼႂ်းငဝ်ႈ ငုၼ်းမုၵ်ႉၸုမ်းလူင်သင်ႇၶၸိုင်ႈတႆး။
    1. လိူဝ်ၼၼ်ႉလႆႈႁပ်ႉတၢင်းယုၵ်ႉယွင်ႈၶိုၼ်ႈပဵၼ် ႁူဝ်ပဝ်ႈလူင်သင်ႇၶၼႃႇယၵ ၸေႈဝဵင်းလၢင်းၶိူဝ်း တေႃႇပေႃးလွၼ်ႇယဝ်ႉ။
    1. လႆႈႁပ်ႉတၢင်းသင်ႇၶ လႄႈ တၵ်ႃႇ ယုၵ်ႉယွင်ႈၶိုၼ်ႈပဵၼ်ႁူဝ်ပဝ်ႈလူင် ပၢင်ပွႆးတႅမ်ႈတွပ်ႇ/ၶူၼ်ႈၶႆႈ လိၵ်ႈ ပရိယတ်ႉတိသတ်ႉထမ်ႇမပႃႇလၵႅၼ်ႇၸဝ်ႈၵေႃၽႄ ဝဵင်းလၢင်းၶိူဝ်းတေႃႇပေႃးလွၼ်ႇယဝ်ႉ။
    1. မိူဝ်ႈပီ 1992-ၼီႈၼၼ်ႉ မၼ်းၸဝ်ႈ တၢင်တူဝ်သင်ႇၶၸိုင်ႈတႆးသေ လႆႈမိူဝ်းပိုတ်ႇပၼ် ပၢင်ပွႆး တႅမ်ႈတွပ်ႇ/ၶူၼ်ႉၶႆႈလိၵ်ႈ ၵေႃၽႄတီႈဝဵင်းမိူင်းသူႈ။

သြႃႇၸဝ်ႈလူင်ႁဝ်းၼႆႉ လႆႁပ်ႉမိူင်းၾႃႉ ယႃႇမိူင်းလုမ်ႈၵႂႃႇမိူဝ်ႈပီ ၵေႃးၸႃႇ 1366-ၼီႈ လိူၼ် 10-မႂ်ႇ 12-ၶမ်ႈ ဝၼ်းပုတ်ႉ တီႈတိူၵ်ႈသွၼ်လိၵ်ႈမႁႃႇဝိႁႃႇရ ၊ ဝဵင်းလၢင်းၶိူဝ်း ၼၼ်ႉယဝ်ႉ။