သူမ်လဵၸ်းဢၢတ်ႇယႃးထမ်း တူၼ်ၶူးလူင်ၸဝ်ႈၶေႇမႃႇၸႃႇရ ဢၵ်ႉၵမႁႃႇသတ်ႉထမ်ႇမၸေႃတိၵ

တီႈၵိူတ်ႇ- ၸဝ်ႈသြႃႇၶေႇမႃႇၸႃႇရၼႆႉ ၸိုဝ်ႈမိူဝ်ႈလဵၵ်ႉ ၸၢႆးသႆႇၵႅဝ်ႈ ၸိုဝ်ႈပေႃႈမႄႈ လုင်ႈၼၢၼ်သၢမ် လူင်း+ပႃႈၼၢင်းလႅင်း၊ ၸဝ်ႈသြႃႇၼႆႉၵိူတ်ႇ မိူဝ်ႈပီ 1288-ၼီႈ လိူၼ်ႁူၵ်းလွင်ႈ 15-ၶမ်ႈ ဝၼ်းၸၼ် တီႈဝၢၼ်ႈယၢင်းၵဵင် မိူင်းၵဵင်းတူင်၊ ၸဝ်ႈသြႃႇၼႆႉ မီးပီႈၼွင်ႉႁူမ်ႈတွင်ႉ ၸၢႆးသွင်ၵေႃႉ ယိင်းသွင်ၵေႃႉ။

ပဵၼ်သၢင်ႇ လႄႈ ပဵၼ်ၸၢင်း- မၼ်းၸဝ်ႈၶိုၼ်ႈပဵၼ်သၢင်ႇ ပီသၶရဵတ်ႈ 1297-ၼီႈ ၊ လိူၼ်ႁူၵ်းမႂ်ႇ 8-ၶမ်ႈ၊ဝတ်းယၢင်းၵဵင် ဝဵင်းၵဵင်းတုင်၊ ၶိုၼ်ႈပဵၼ်ၸၢင်း ပီသၶရဵတ်ႈ 1308-ၼီႈ လိူၼ်ႁူၵ်းလွင်ႈႁႃႈၶမ်ႈ တီႈဝတ်ႉၵၢတ်ႇၽႃႉ ၊ ဢိူင်ႇၵၢတ်ႇၽႃႉ မိူင်းၵဵင်းတုင်။

တီႈသွၼ်ႁဵၼ်းတၢင်းမေႃ- လႆႈသွၼ်ႁဵၼ်းဢဝ် တီႈၸဝ်ႈသြႃႇ တိထမ်ႇမရင်းသီသင်ၶရႃႇၸ ဝတ်ႉလူင်းၵဵင်းယိုၼ်း၊ မိူင်းၵဵင်းတုင် လႄႈ တီႈသြႃႇၵၢတ်ႇၽႃႉ ဢိူင်ႇၵၢတ်ႇၽႃႉ တမ်ႈတီႈၸဝ်ႈသြႃႇဝတ်ႉၵျႃးၵျွင်းၵမႃႇယုတ်ႉ တႃႈၵုင်ႈ ၊ လႆႈပဵၼ်ၸဝ်ႈသႂႃတိ မိူဝ်ႈသၶရဵတ်ႈ 1317-ၼီႈ၊ မႄႈဢွၵ်ႇၸဝ်ႈၼၢင်း ဝႅၼ်ႈတိပ်ႉ ႁေႃသူၼ်ရဝ်ႉ ပဵၼ်ၵဝ်ႉသတ်ႉထႃးတင်းသဵင်ႈ ယေႃးၶိုၼ်ႈပဵၼ်ၸဝ်ႈသႂႃတိ၊ ထိုၼ်မႃးပီသၶရဵတ်ႈ 1321-ၼီႈ ပေႃႈဢွၵ်ႇဢူး မုၵ်ႉ မႄႈဢွၵ်ႇၼၢင်းၵွင် တိပ်ႉဝၢၼ်ႈၵဵင်းၸၼ်လႄႈ လုၵ်ႈလၢၼ် တင်းသဵင်ႈလႆႈယေႃး ၸဝ်ႈၶိုၼ်ႈပဵၼ်ၸဝ်ႈ သႂႃမီးၼိရၼ်တရၺႃႇၼမုၼိ တီႈဝတ်ႉဢိၼ်း။

ၼႃႈၵၢၼ်လႄႈၸူဝ်ႈပၢၼ် ပီ 1323-ၼီႈ သူင်ႇလုၵ်ႈၼွင်ႉ ပိုတ်ႇတင်ႈၵမ်ႇမထၢၼ်း တီႈဝတ်ႉၶေမိၼ်း မိူင်းၵဵင်းတုင်၊ ပီ 1339-ၼီႈ သၢင်ႇဝတ်ႉၵၢတ်ႇတဝ်ႇသႃႇမၵ်ႉၵီး၊ ပီ 1341-ၼီႈ ပိုတ်ႇတင်ႈ ၵမ်ႇမထၢၼ်း တီႈဝတ်ႉၸွမ်ၶမ်း မိူင်းၵဵင်းတုင်။ ပီ 1359-ၼီႈ ၸဝ်းသင်ႇၶလႄႈ ၵေႃးပၵသႃႇသၼႃႇမိူင်းၵဵင်းတုင် သူမ်လဵတ်းၸဝ်ႈၽႃႉ ၸၢႆးလူင် လႄႈ ဢူးယီႈလူင် ၼၢင်းဢု ဝၢၼ်ႈၵဵင်းလၢၼ်း ဢွၼ်ၵၼ်ယေႃးၸဝ်ႈၶိုၼ်ႈပဵၼ်သူမ်လဵတ်း ဢၢတ်ႇယႃးထမ်း တီႈဝတ်ႉႁူဝ်ၶူဝ် မိူင်းၵဵင်းတုင်။