ၸဝ်ႈသြႃႇဝꧣ်ၼ ဝတ်ႉသီႇရိမင်ႇၵလႃႇ ဝၢၼ်ႈၼွင်လႅင် ဝဵင်းပၢင်လူင်

ၸဝ်ႈသြႃႇၼႆႉ ၵိူတ်ႇမႃး မိူဝ်ႈပီၵေႃးၸႃႇ 1299-ၼီႈ လိူၼ်ပႅတ်ႇ တုတိယမႂ်ႇ 7-ၶမ်ႈ ၊ ပဵၼ်လုၵ်ႈၸၢႆး လုင်းဝၼ်ႇၼ+ပႃႈၼၢင်းမၢတ်ႈ ဝၢၼ်ႈႁၢႆးဢွႆႈ၊ ဝဵင်းၼမ်ႉၸၢင်၊ ၸိုဝ်ႈမိူဝ်ႈလဵၵ်ႉ ႁွင်ႉဝႃႈ ၸၢႆးၽၢၼ်ႈ။

ပဵၼ်သၢင်ႇ မိူဝ်ႈပီ 1309- ၼီႈ ၊ ပဵၼ်ၸၢင်း မိူဝ်ႈ 1319 -ၼီႈ ၊ ယၢမ်းသွၼ်ႁဵၼ်းမႃး တီႈၵျွင်းၵုင်း မူင်ႈ ဝဵင်းၼမ်ႉၸၢင်၊ ၵျွင်းမၢၵ်ႇၶီႈၼူ ႁၢႆးၽၵ်း ၼမ်ႉၸၢင်၊ ၵျွင်းဢူးယဵၼ် မိူင်းၼၢႆး၊ ဝတ်ႉပိတၵၢတ်ႈ ဝဵင်းပၢင်လူင်၊ တိူၵ်ႈသွၼ်လိၵ်ႈ ဢၽယႃႇရႃႇမ ၵျွင်းသူၺ်ႇပူဝ်ႇ ဝဵင်းတႃႈလိူဝ်ႇ ၸိူဝ်းၼႆႉယဝ်ႉ။

ပီ 1319-ၼီႈ မၼ်းၸဝ်ႈ လႆႈၵႂႃႇၶဝ်ႈပွႆးၶူၼ်ႉၶႆႈလိၵ်ႈ တီႈဝဵင်းယွင်ႈႁူၺ်ႇ၊ ပီ 1320-ၼီႈ မၼ်းၸဝ်ႈ လႆႈၶဝ်ႈ ပၢင်တႅမ်ႈတွပ်ႇ/ၶူၼ်ႉၶႆႈလိၵ်ႈပရိယတ်ႉတိသတ်ထမ်မပႃလ ၵႅၼ်ႇၸဝ်ႈၸိုင်ႈတႆး ဝဵင်းပၢင်လူင် ပီ ၵမ်းဢွၼ်တၢင်းသုတ်းပိူၼ်ႈသေလႆႈ ဢွင်ႇလိၵ်ႈၵႂႃႇယူႇယဝ်ႉ။

ပီ 1329-ၼီႈ ၶိုၼ်းမႃးယူႇ တီႈဝတ်ႉပိတၵၢတ်ႈ ဝဵင်းပၢင်လူင်၊ ပီ 1330-ၼီႈ တီႈပိတၵၢတ်ႈ ဝဵင်းပၢင်လူင် လူဝ်ႇၸဝ်ႈၶူးသွၼ်ၼႆလႄႈ ၸင်ႇမိူဝ်းပၢင်းဢဝ် ၸဝ်ႈသြႃႇၺႃႇၼသမ်ႇၽႃႇရ တီႈၵျွင်းၼွင် လႅင် ၼၼ်ႉမႃးယူႇသဝ်း တီႈဝတ်ႉပိတၵၢတ်ႈ ပၢင်လူင်သေယဝ်ႉ ၸဝ်ႈသြႃႇလူင်ပၺ်ၺႃႇၽေႃးၵသမ်ႉ ၸႂ်ႉ ၸဝ်ႈၸၢင်း ဝၼ်ႇၼ မိူဝ်းပႂ်ႉတီႈၵျွင်းၼွင်လႅင်ယဝ်ႉ။

ၸဝ်ႈသြႃႇၼႆႉ ယၢမ်ႈပဵၼ်ၽူႈဢွင်ႇလိၵ်ႈ ၼႂ်းပၢင်ပွႆးပရိယတ်ႉတိသတ်ထမ်မပႃလ ၵႅၼ်ႇၸဝ်ႈ ၸုပ်ႈ ဢွၼ်တၢင်းပိူၼ်ႈ၊ မိူဝ်ႈၽွင်းမၼ်းၸဝ်ႈ လႆႈပဵၼ်ပုၵ်ႈၵူဝ်ႇ ၵွၼ်းၵျွင်းဝၢၼ်ႈၼွင်လႅင်ၼၼ်ႉ ၶတ်းၸႂ်သွၼ် ပၼ်လိၵ်ႈလၢႆး လုၵ်ႈၼွင်ႉ ၶႅၼ်ႇသေဢမ်ႇၵႃး ၵၢၼ်လွင်ႈၸွႆႈထႅမ်လူႇတၢၼ်း ၼႂ်းဝတ်ႉပိတၵၢတ်ႈၵေႃႈ ၶတ်း ၸႂ်ၶတ်းၶေႃးမႃးတီႈၶႃႈလႄႈ ၸင်ႇလႆႈတႅမ်ႈလိၵ်ႈတွပ်ႇၽိုၼ်ဝႆႉ ၼႂ်းပပ်ႉၼႆႉယူႇယဝ်ႉ။

ၸဝ်ႈသြႃႇၼႆႉ လႆႈႁပ်ႉဢဝ်မိူင်းၾႃႉ ယႃႇမိူင်းလုမ်ႈၵႂႃႇ မိူဝ်ႈပီ 1366-ၼီႈ လိူၼ်သိပ်းလွင်ႈ 3ၶမ်ႈ၊ ယၢမ်းၵၢင်ၶမ်ႈ 8:30 မဵတ်ႉ ၽွင်းဢႃႇယုၸဝ်ႈလႆႈ 67-ပီ ၊ ဝႃႇသႃၸဝ်ႈလႆႈ 47-ဝႃႇ၊ တီႈႁူင်းယႃ ဝဵင်ႈလွႆလႅမ် ၼၼ်ႉယဝ်ႉ။