ပိုၼ်းၵႅပ်ႈ ၸဝ်ႈတူၼ်ၶူးလူင် ပၺ်ႇၺႃႇသႃႇမိၵျွင်းၽြႃးလူင်ရၶႅင်ႇ ပွၵ်ႉမၢၵ်ႇၵႃႇႁူဝ်ၶမ်း ဝဵင်းတႃႈၶီႈလဵၵ်း

ပီၵိူတ်ႇ

1298 လိူၼ် 5 လွင်ႈ 11 ၶမ်ႈ ဝၼ်းပီမႂ်ႇသၢင်ႇၵျၢၼ်ႇ

ၸိုဝ်ႈပေႃႈမႄႈ

လုင်းၸၼ်ႇတႃႇ+ၼၢႆးလုၼ်း၊ ဝၢၼ်ႈသီႇရိငွၵ်း၊ ဢိူင်ႇမိူင်းၵူဝ်း၊ ၸေႈဝဵင်းတႃႈၶီႈလဵၵ်း

ပဵၼ်သၢင်ႇ

မိူဝ်ႈဢႃႇယုလႆႈ 10 ၶူပ်ႇ ပဵၼ်သၢင်ႇတီႈ ၵျွင်းယၢင်းၶမ်း၊ ဢဝ်ၸဝ်ႈသြႃႇၵျွင်းယၢင်းၶမ်း၊ ဢိူင်ႇမိူင်းၵူဝ်း တႃႈၶီႈလဵၵ်း၊ ႁဵတ်းပဵၼ်ဢုပတ်ႉသၢႆႇ၊ ဢဝ်လုင်းဢိၼ်းၽျႃ ပႃႈၵမ်ႇ ပဵၼ်ၸဝ်ႈတႃႇၼ ၶူဝ်းၶွင်သီႇပိူင်။

ပဵၼ်ၸၢင်း

1320 လိူၼ် 12 မူၼ်း တီႈၶၼ်ႇတသိမ်ႇ၊ ၵျွင်းမၢၵ်ႇၵႃႇႁူဝ်ၶမ်း၊ ဝဵင်းတႃႈၶီႈလဵၵ်း။ ဢဝ်ၸဝ်ႈသြႃႇလူင် ရႃႇၸိၼ်ႇတ ၵျွင်းၽြႃးရၶႅင်ႇ တႃႈၶီႈလဵၵ်း ႁဵတ်းဢုပတ်ႉသၢႆႇ။ ဢဝ်လုင်းၵျီးလွႆ ပႃႈၼၢင်းငႄႇ ၶဝ်ပေႃႈမႄႈ လုၵ်ႈ ႁဵတ်းၸဝ်ႈတႃႇၼ ၶူဝ်းၶွင်သီႇပိူင်။ ပဵၼ်ရႁၢၼ်းယဝ်ႉ ၵႂႃႇႁဵၼ်းလိၵ်ႈၵမ်းလဵဝ် ၵႂႃႇတီႈၵျွင်းၵၢၼ်ႇၵျီး တီႈၸဝ်ႈသြႃႇဝိမလႃႇၽိဝမ်ႇသ ဝဵင်းယွင်ႁူၺ်ႈ မိူင်းတႆးပွတ်းၸၢၼ်း။ ၵႂႃႇယူႇလႆႈ 2 ဝႃႇ သိုပ်ႇၵႂႃႇယူႇသဝ်း တမ်ႈတီႈၵျွင်းသိမ်ႇ တိူၵ်ႈမိၼ်းဝုၼ်ႇမိၼ်းၵျီး ဝဵင်းလိူဝ်ႇသေ ၵႂႃႇႁဵၼ်းလိၵ်ႈ တမ်ႈတီႈ ၵျွင်းရတၼႃႇပူင်ႇ တမ်ႈတီႈ ၸဝ်ႈသြႃႇရတၼႃႇပူင်ႇ။

ၼင်ႈၵျွင်း

1339 ၼင်ႈၵျွင်း မၢၵ်ႇၵႃႇႁူဝ်ၶမ်း တႃႈၶီႈလဵၵ်း တေႃႇထိုင်ဝၼ်းမိူဝ်ႈၼႆႉ။ တႄႇတင်ႈ တိူၵ်ႈၽႄꩪမ်ႇမေႃးတယသေ ၽုၺ်ႇတိူၵ်ႈသွၼ်လိၵ်ႈ မိူဝ်ႈ 1330 လႆႈမႃး 40 ပီယဝ်ႉ။

ၶေႃႈသင်ႇသွၼ်

ၵူၼ်းႁဵၼ်းၵၢၼ် သႃႇသၼႃႇဢၼ်ဝႃႈၼၼ်ႉ တေလႆႈႁဵတ်းၸွမ်း သႃႇသၼႃႇဢိူဝ်ႈ။ ပေႃးႁဵတ်းၸွမ်း သႃႇသၼႃႇၸိုင် သႃႇသၼႃႇတေၶိုၼ်ႈယႂ်ႇ။ ယႃႇပေႁဵတ်းၸွမ်း ဝႃႇသၼႃႇ။ ပေႃးႁဵတ်းၸွမ်းဝႃႇသၼႃႇၸိုင် သႃႇသၼႃႇတေၸၢင်ႈမွတ်ႇဝွတ်ႈ။