ၸဝ်ႈတူၼ်ၶူးလူင် ပၼ်ႇတိတထမ်ႇမ ႁူဝ်ပဝ်ႈသင်ႇၶၸေႈဝဵင်း ဝဵင်းလၢႆးၶႃႈ တိူၵ်ႈသွၼ်လိၵ်ႈထမ်ႇမရမ်ႇသီႇ ဝတ်ႉပၢင်ႇ- ဝဵင်းလၢႆးၶႃႈ

ၸႃႇတိလႄႈပေႃႈမႄႈ

ၸဝ်ႈသြႃႇၼႆႉ ၵိူတ်ႇမႃး မိူဝ်ႈပီ 1296 ၼီႈ၊ ဝၼ်းၽတ်း၊ ပဵၼ်လုၵ်ႈ ၸၢႆးလုင်းလၢႆးသႅင်+ပႃႈယူင်း ဝၢၼ်ႈပႃႇၵၢင်း၊ ဝဵင်းလၢႆးၶႃႈ။ ၸိုဝ်ႈမိူဝ်ႈလဵၵ်ႉႁွင်ႉဝႃႈ ၸၢႆးမွင်ႇ။

ပဵၼ်သၢင်ႇလႄႈၸၢင်း

ပဵၼ်သၢင်ႇမိူဝ်ႈပီ 1316 ၼီႈ ပဵၼ်ၸၢင်းမိူဝ်ႈ 1321 ၼီႈ။ ယၢမ်ႈသွၼ်ႁဵၼ်းမႃးတီႈ ဝတ်ႉၵျွင်းပႃႇပၢင်း လၢႆးၶႃႈ၊ ၵျွင်းလူင် မိူင်းၼၢင်း၊ ၵျွင်းၼွင်လႅင် ပၢင်လူင်။

ၼႃႈၵၢၼ်သႃႇသၼႃႇ

တေႇဢဝ်မိူဝ်ႈၼင်ႈၵျွင်းမႃး တေႃႇပေႃးလွၼ်ႇၵႂႃႇ ၸဝ်ႈလႆႈဢဝ်တပႄး ၶၢမ်ႇပဵၼ်ရႁၢၼ်း တင်းသဵင်ႈ မီး 96 တူၼ်ယူႇယဝ်ႉ။ ၼႂ်းပၢင်ပွႆးထၢမ်လိၵ်ႈ ပရိယတ်တိသႃသၼဝေပုၼ်လ ၸေႈဝဵင်းလၢႆးၶႃႈၼၼ်ႉ ၸဝ်ႈလႆႈပဵၼ်ႁူဝ်ပဝ်ႈ၊ ပၢင်ပွႆးလူင် ပရိယတ်တိသတ်ထမ်မပႃလ ၵႅၼ်ႇၸဝ်ႈၸိုင်ႈတႆး ဝဵင်းပၢင်လူင်ၼၼ်ႉ လႆႈပဵၼ်ၽူႈမၢႆ၊ မိူဝ်ႈပွႆးလိူၵ်ႈၵဵပ်း သင်ႇၶႃႇၼႃႇယၵ ပွၵ်ႈၵမ်းၼိုင်ႈ လႄႈ ၵမ်းသွင်ၼၼ်ႉ ၸဝ်ႈၶဝ်ႈပဵၼ် သင်ႇၶၼႃႇယၵ ဢၽွႆႉဝုၼ်ႇလႄႈ မျဵဝ်ႉၼႄႇသံၶဝိၼိၸ်ၸယ ဢုၵ်ႉၵထ ပွၵ်ႈၵမ်းသၢမ်၊ ပွၵ်ႈၵမ်းသီႇမႃး ၸဝ်ႈၶဝ်ႈပဵၼ် သင်ႇၶၼႃႇယၵဢၽွႆႉ ဢုၵ်ႉၵထလႄႈ သင်ႇၶ ဝၼ်ႇသွင်ႇ၊ သင်ႇၶသမုတ်တိရသင်ႇၶၵူဝ်ႇၸႃးလေႇ ယူႇယဝ်ႉ။

ၶဝ်ႈသူၼ်မၢၵ်ႇႁၢၵ်ႈၶမ်း

မိူဝ်ႈပီ 1360 ၼီႈ၊ လိူၼ်သိပ်းလွင်ႈၼိုင်ႈၶမ်ႈ ၶၢဝ်းယၢမ်းၵၢင်ၼႂ် (4:37) သီႇမူင်းပၢႆ သၢမ်သိပ်းၸဵတ်း မိၼိတ်ႉၼၼ်ႉ ဢႃႇယုၸဝ်ႈလႆႈ (64)ပီ၊ ဝႃႇၸဝ်ႈလႆႈ (38)ဝႃႇသေ ၶဝ်ႈၸၢမ်ႇသူၼ်မၢၵ်ႇ ႁၢၵ်ႈၶမ်း ၵႂႃႇပႅတ်ႈလုၵ်ႈၼွင်ႉတပေးတၵႃႇ သြႃႇတင်းလၢႆယူႇယဝ်ႉဢေႃႈ။